Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 22/6/2012
Chuza Menéame del.icio.us
compartir

A CIG rexeita o despedimento dunha traballadora da Asociación Radio-Taxi Ferrol

A Unión Comarcal denuncia que a empregada sufre persecución laboral por ter esixir os seus dereitos
A Unión Comarcal da CIG de Ferrol amosou o seu total rexeitamento ao despedimento dunha traballadora da Asociación Radio-Taxi, que exercía de telefonista dende hai 14 anos. Dende a central sindical denúnciase a actitude tamén a “actitude prepotente e caciquil da directiva da asociación”.

O co-voceiro da CIG de Ferrol, Xesús Anxo López Pintos, subliña que esta traballadora estaba a padecer unha persecución laboral dende que hai varios anos esixira os seus dereitos laborais e denunciara diante da central nacionalista a algún cargo directivo que beneficiaba a un familiar seu en detrimento doutras compañeiras de traballo.

Por parte da directiva, matiza Pintos, intentaron “sancionala con mentiras, e como presentou alegacións aos expedientes de sanción que lle enviaron, desmontando todas esas mentiras”, a xunta directiva decidiu despedila alegando “baixo rendemento” e recoñecéndolle unha indemnización de 45 días por ano de traballo.

“Dende a CIG queremos sinalar que nos parece un disparate, nos tempos que corren, que unha xunta directiva despida a unha traballadora sen ningunha causa legal –recoñece o despedimento improcedente-, gastando todos os fondos que ten a asociación e co único obxectivo de sacar do medio a unha traballadora moi competente, pero que non baixa a cabeza diante das inxustizas”, asevera.

A central sindical estuda recorrer o despedimento e levar a cabo mobilizacións diante da sede da Asociación Radio-Taxi Ferrol

cig.prensa@galizacig.com