Chamamento á afiliación do Comercio vario e da Hostalaría coruñesa e pontevedresa para reclamar os atrasos

CIG-Servizos fai un chamamento a toda a súa afiliación que traballa no Comercio vario da provincia da Coruña e na Hostalaría das provincias pontevedresa e coruñesa para que acuda aos locais do sindicato coa intención de reclamar os atrasos.

O persoal do Comercio vario coruñés pode reclamar as cantidades adebedadas dos anos 2008 e 2009, do mesmo xeito que os traballadores e traballadoras da Hostalaría pontevedresa. Pola súa banda, os empregados e empregadas da Hostalaría da provincia da Coruña poden solicitar os atrasos correspondentes á revisión salarial de 2009. 

Nos locais da CIG-Servizos

A afiliación destes sectores pode acudir cando queira aos locais da CIG-Servizos na Coruña, Ferrol, Compostela, Pontevedra e Vigo para que o sindicato lles tramite as conseguintes reclamacións salariais ante as súas empresas. 

Axuntamos táboas salariais dos devanditos sectores ao final do texto. 

 

taboas salariais comercio vario Coruña08_09
hostalaria Coruña taboas
Convenio_08_10_hostalaria_pontevedra