Portada
Temas
Confederal
Sectores
Entrevistas
Opinion
Multimedia
Contacta
 
Vigo, 23/10/2012
Chuza Menéame del.icio.us
compartir

Empregados de mantemento do Instituto Municipal de Deportes de Vigo reclaman a súa readmisión cunha protesta nun mitin do PSOE

Dende a CIG denuncian que o Goberno local négase a aplicar a sentenza que recoñece a cesión ilegal de traballadores/as
Os traballadores/as da contrata auxiliar de mantemento do Instituto Municipal de Deportes (IDM) e membros da CIG-Servizos manifestáronse o venres pasado diante do Mercado do Calvario, onde se celebraba un mitin do PSOE, para protestar pola negativa do Concello de Vigo a readmitir a 11 empregados/as que gañaron unha sentenza de cesión ilegal de traballadores/as. Os afectados/as comezaron este luns un peche indefinido nos locais do IMD.

Segundo explicaron dende a federación de Servizos da CIG, os traballadores/as da empresa auxiliar desenvolvían labores propias do persoal laboral do IMD dende 1998, a través de diversas contratas, cando se lles comunica que se lles rescinden os contratos. Diante disto, a central nacionalista presenta diversas denuncias, “gañando a máis importante, que clarifica e expresa que o Concello era o que determinaba que o grupo de traballadores/as ocupou postos e desenvolveu labores iguais que o persoal do IMD”.

A pesar da sentenza, o Goberno local do PSOE négase a admitilos “estando nestes momentos a o cadro de persoal sen ningún salario e sen poder obter a prestación por desemprego”. Ao mesmo tempo, dende a central nacionalista denuncian que o concelleiro de Deportes, Manel Fernández -ex secretario comarcal de CCOO en Vigo- , rexeita as reunións solicitadas pola CIG “e o que é peor, durante o mitin no Calvario o Alcalde, o ex ministro José Blanco e diversos concelleiros do PSOE insultaron aos participantes da protesta, inclusive chegando a dicir que eran enviados polo Partido Popular”.

Finalmente, lembran que os afectados/as comezaron este luns un peche indefinido nos locais do IMD.

cig.prensa@galizacig.com