Concentración de delegados/as, este mércores, no Consorcio, contra a privatización das escolas infantís Galiña Azul

Hoxe, no Diario Oficial de Galicia, O Consorcio continúa coa carreira privatizadora e anuncia, no Diario Oficial de Galiza deste martes 24 de xaneiro as privatizacións das Escolas Infantís “Galiñas Azuis” que van abrir nos Concellos de O Pino e Coristanco. Ante esta situación, a CIG-Ensino convoca unha concentración de delegados e delegadas este mércores, día 25 de xaneiro, ás 11:15 horas, diante do Consorcio Galego de Igualdade e Benestar.

A CIG-Ensino convoca esta concentración para rexeitar, por unha banda, a privatización das escolas infantís “Galiñas Azuis”, e pola outra, para esixir o comezo das negociacións para a integración do persoal laboral do Consorcio no V Convenio dos Laborais da Xunta de Galiza.