Novo boletín da CIG para explicar as consecuencias das medidas do goberno para afrontar a crise e as alternativas da central

Infórmase das mobilizacións convocadas en todas as comarcas con motivo do 10 de marzo, Día da Clase Obreira Galega

A CIG vén de editar un novo boletín, dirixido a delegados e delegadas da CIG, para explicar a posición da central sindical respecto das medidas que se están a barallar polo goberno para afrontar a crise económica e para presentar as súas alternativas. Infórmase tamén das convocatorias da mobilizacións do 10 de marzo en cada comarca, que desta volta celébranse baixo o lema: O emprego, os salarios e as pensións deféndense loitando!

No boletín analízase o alcance e consecuencias de medidas como a reforma das pensións, a conxelación salarial e a proposta de reforma laboral; explícanse as alternativas que defende a central sindical para afrontar a crise e para mellorar as condicións laborais: o que significa para Galiza a Lei de Caixas e a importancia da mobilización que, en defensa da nosa lingua se celebrou en Compostela, con motivo da folga do ensino, o pasado 21 de xaneiro.

Especial relevancia, polas datas nas que nos atopamos, teñen as informacións relativas tanto ao 8 de Marzo, Día Internacional da Muller Traballadora, que se celebra baixo o lema: Resistimos! Loitamos! Reivindicamos o noso espazo na sociedade, como mulleres, traballadoras e galegas!, como o 10 de marzo, Día da Clase Obreira Galega.

Documentos

Boletin sindical 14.pdf