imprimir
O persoal da Cruz Vermella de Vigo entrega máis de oito mil sinaturas na Dirección Provincial do Servizo Galego de Saúde
"Hoxe presentamos máis de 8.000, asi que xa levamos perto de 15.000 sinaturas para que escoiten ao pobo de Vigo, que asina para que este hospital non se peche", sinalaba a presidenta do Comité, Hortensia Pérez.
Chamamento ao diálogo
A presidenta do Comité de Empresa demandou que "as autoridades e a Cruz Vermella teñen que actuar porque este centro sanitario, coas súas características, é moi necesario para unha cidade como Vigo", e criticaba a actual situación na que "o Sergas continua a dicir que non é cousa deles, e a Cruz Vermella di que o Sergas non se sentou a negociar, e nós no medio. Eles son os que poden solucionalo pero non teñen disposición ningunha".
Perda de postos de traballo e da prestación sanitaria
Lembrar que co peche do hospital da Cruz Vermella se perderán 70 postos de traballo así como a prestación sanitaria tan importante para parte da sociedade viguesa.
O persoal vai continuar coas medidas de protesta ante a total negativa de solucionar este grave problema, tanto por parte da Xunta do PP coma da institución "benéfica"
