Xornada sobre a privatización da sanidade pública organizada pola CIG-Saúde de Lugo

A Sección Sindical de CIG-Saúde de Lugo vai desenvolver unha xornada o vindeiro 3 de marzo a respecto do proceso de privatización da sanidade pública iniciado polo goberno da Xunta. A xornada terá lugar no salón de actos de Caixa Galicia dende ás 19 horas até as 21:30 horas.

Sanidade públicas: Novas políticas privatizadoras. Olladas dende Lugo, é o título baixo o que se vai desenvolver esta xornada organizada pola CIG-Saúde na que se avaliarán as políticas adoptadas polo goberno da Xunta a respecto do sistema sanitario galego,  “claramente cara modelos de financiamento privado da Sanidade Pública (modelos PFI), seguindo o exemplo que comunidades como Madrid ou Valencia tomaron dos ingleses, cando xa está demostrado que empeoran a calidade asistencial e que hai outras maneiras posíbeis de facer que unha asistencia sanitaria de calidade sexa posible”.

O contexto político actual e como pode chegar a repercutir no hospital novo de Lugo é a principal preocupación que ocupa nestes momentos á CIG-Saúde nesta provincia.

O programa da xornada:

1.- Modelos PFI e a experiencia galega

Poñentes: Manolo Moreira, médico responsábel da Agrupación Médica da CIG-Saúde (Agm)

Paco Vizoso, médico responsábel da Agm de CIG-Saúde

2.- Contexto actual en Lugo, expectativas e dúbidas ao respecto

Poñentes: Carme Aira, secretaria comarcal da CIG-Saúde

Roberto Rei, radiólogo do Hospital Xeral

3.- Visión das AAVV da cidade de Lugo

Poñentes: Valentín Arias

X.M. Carballo

4.- Coloquio