O Complexo Hospitalario de Santiago pechará 200 camas no verán

CIG-Saúde vén de denunciar o peche de 200 camas durante o verán no Complexo Hospitalario Universitario de Santiago (CHUS). Unha medida, que segundo afirman provocará o incremento das listas de espera; o traslado de doentes a outras áreas sanitarias ou que se deriven a clínicas privadas, incrementando así o gasto sanitario.

A consellaría de Sanidade ten previsto pechar varios servizos do CHUS, o que conleva a eliminación provisoria dun grande número de camas, que quedarán pechadas ou bloqueadas entre o 1 de xullo e o 30 de setembro. Para CIG-Saúde esta medida responde a unha política de recortes aplicada polo goberno da Xunta de Galiza que pon de manifesto cal é a política sanitaria de Alberto Núñez Feijóo.

Para a CIG-Saúde, isto provocará un incremento das listaxes de espera, que actualmente “chegan a contar por milleiros o número de doentes que están agardando por determinadas cirurxías”; o traslado de pacientes a outras áreas sanitarias, como no caso de Pediatría ou ben a clínicas privadas, “o que vai supor un maior gasto sanitario contribuíndo así á política privatizadora do goberno do PP” explican.

Entenden que esta situación é totalmente incomprensíbel, xa que hai pouco tempo que se fixo un importantísimo investimento na reparación e equipamento da área cirúrxica do hospital de Conxo e que agora se ve totalmente desaproveitada.

“Isto resúltanos preocupante, xa que consideramos que conleva unha ineficiente xestión que non responde ás demandas e necesidades da cidadanía desta área e deixa sen garantías dunha asistencia segura e de calidade”, afirman

Segundo a  comunicación do CHUS, os servizos afectados son:

 HOSPITAL CONXO:

* CAMAS CIRÚRXICAS PECHE DO 15/07 AO 16/09

- PLANTA BAIXO DEREITA (TRAUMA, UROLOXIA E MAXILOFACIAL)

- PLANTA PRIMEIRO DEREITA (CIRURXÍA XERAL E DIXESTIVA, DERMATOLOXÍA E OFTALMOLOXÍA

- CAMAS MÉDICAS PECHE DO 1/07 AO 30709

- PLANTA TERCEIRO DEREITA DE NEUMOLOXÍA

 

HOSPITAL GIL CASARES

* CAMAS MÉDICAS PECHAN DO 15/07 AO 16/09

- PLANTA 2ª MEDICINA INTERNA E DERMATOLOXIA

- UNIDADE MEDIA ESTANCIA ( UME) PECHE DE 7 CAMAS DO 1/07 AO 16/09

 

HOSPITAL CLÍNICO

* PECHE DO CAMAS CIRÚRXICAS

- PLANTA 4º B CIRURXIA XERAL DO 15/07 AO 16/09