Publicada a orde que regula as axudas do programa do cheque infantil

O DOG do 18 de xuño recolle a orde pola que se regulan as axudas económicas para a atención da primeira infancia, a través do cheque infantil en escolas para nenos e nenas de 0 a 3 anos, non sostidas con fondos públicos. A axuda consistirá na cobertura total ou parcial do custo da praza nunha escola infantil 0-3 non sostida con fondos públicos.

A axuda consiste na provisión e cobertura, total ou parcial, do custo da praza adxudicada nunha escola infantil 0-3, que non estea sostida con fondos públicos, ás persoas solicitantes con nenas/os entre 0 e 3 anos a cargo e que desexen acollerse aos beneficios do programa cheque infantil.

 

Para poder ser beneficiario, deberanse cumprir os seguintes requisitos:

1.- Ter unha/un nena/o a cargo nacida/o con posterioridade a 31 de decembro de 2006.

2.- Non dispoñer doutras axudas para igual ou análoga finalidade outorgadas por outros organismos ou institucións públicas.

3.- Que a renda per cápita mensual da unidade familiar non supere 1.000 euros.

Así mesmo, terán preferencia as persoas con responsabilidade sobre nenas/os de 0 a 3 anos que no curso 2008/2009 tiveran recoñecida esta axuda.

As solicitudes coa documentación requirida pola administración presentaranse no departamento territorial da Consellería de Traballo e Benestar da provincia onde teña o seu domicilio a/o solicitante. O prazo para presentar as solicitude será dun mes desde a publicación desta orde no Diario Oficial de Galicia (18 de xuño de 2009).

Adxunto a esta nova podes descargar o arquivo do DOG coa orde da axuda.

cheque infantil.pdf