Portada
Temas
Confederal
Sectores
Entrevistas
Opinion
Multimedia
Contacta
 
Compostela, 26/6/2012
Chuza Menéame del.icio.us
compartir

A CIG avalia como positiva, pero incompleta, a querela de Anticorrupción contra os exdirectivos de Caixa Galicia e Caixanova

Recoñécese que os libros reflectían fielmente as contas, mais só se centra nas indemnizacións multimillonarias
A investigación aberta pola Fiscalía Anticorrupción a instancias da CIG deu un paso adiante coa querela presentada ante a Audiencia Nacional contra 5 exdirectivos das Caixas Galegas, un paso positivo pero incompleto, xa que malia recoñecer na propia querela que os libros non reflectían fielmente as contas, só se centra nas indemnizacións multimillonarias.

Cando estoupou o escándalo polas indemnizacións multimillonarias, a entrada do Estado na Entidade e a baixa valoración, a CIG presentou senllos escritos na Fiscalía Xeral do Estado e no Banco de España reclamando unha investigación pola mala xestión, os cobros indebidos en materia de prexubilación e a valoración a baixa.

Máis alá da polveira levantada sobre as indemnizacións argumentaba a CIG que os libros están obrigados a recoller fielmente a valoración da empresa. Porén, “a rebaixa puña en evidencia que ou os libros non reflectían fielmente este valor ou que houbera unha alteración do valor da mesma rebaixando o valor a 188 millóns de euros”, sinala o secretario nacional de CIG-Banca, Clodomiro Montero.

Agora a querela da Fiscalía Anticorrupción sinala que a “Due Diligence” realizada estableceu que “os estados contables de novagalicia banco non reflectían a súa verdadeira situación patrimonial, pois existen unha serie de provisións que habería que contabilizar”. Pero a querela non incide nesta cuestión, da que deberon ser coñecedores os organismos públicos.

Resulta tamén rechamante que a querela presentada pola Fiscalía Anticorrupción, faga mención á ocultación de datos ao Banco de España. “A CIG tamén se dirixiu a este organismo solicitando a apertura dun expediente sancionador, na súa contestación o Banco de España lembrou que potestade de sancionar era deles, pero nada fixo o organismo supervisor”, afirma Montero.

A CIG considera pois que malia que a querela é un paso adiante positivo, a Fiscalía “non entra a valorar cuestión principais coma a mala xestión, a baixa valoración da caixa, ou a actuación do Banco de España”.

Documentos
resposta_fiscalia-1.pdf
cig.prensa@galizacig.com