Portada
Temas
Confederal
Sectores
Entrevistas
Opinion
Multimedia
Contacta
 
Compostela, 26/6/2012
Chuza Menéame del.icio.us
compartir

A CIG revalida a súa maioría na Construtora San José, con 4 dos 5 delegados

Corrobórase que no período intermedio de eleccións sindicais tamén se supera, con creces, o resultado obtido no período concentrado, na Construción de Pontevedra
Nas eleccións sindicais celebradas a semana pasada na construtora San José, na provincia de Pontevedra, a CIG obtivo 4 dos 5 delegados, revalidando e mesmo ampliando a maioría coa que xa contaba. Xaquín Agulla, da CIG-Construción de Pontevedra afirma que con estes resultados “unha vez máis os traballadores e traballadoras referendan o traballo desenvolvido pola central sindical nos últimos 8 anos”.

Un total de 56 traballadores da Construtora San José da provincia de Pontevedra estaban chamados ás eleccións sindicais para escoller, polo Colexio de Técnicos e Administrativos a 2 delegados/as e, polo Colexio de especialistas e non Cualificados, a 3.

Até este ano, nunca se presentara unha candidatura ao Colexio de Técnicos e ademais, a da CIG, foi a única presentada. Deste xeito, a central sindical obtivo os dous representantes.

Na do Colexio de Especialistas e non Cualificados, canda a CIG -que obtivo 2 delegados de 3- presentouse a candidatura da UGT, que ficou cun único delegado.

A central sindical revalida así a súa maioría no Comité, reforzando a representación obtida hai catro anos, que fora de 3 delegados dos 4 posíbeis, ao quedar deserta a representación do Colexio de Técnicos.

Estes resultados, segundo o representante da CIG-Construción, veñen corroborar que no período intermedio das eleccións sindicais os resultados na comarca e provincia de Pontevedra superan, con creces, o 40% no sector da Construción. “Están na mesma liña dos obtidos no período concentrado, onde se acadou o 43%”, afirma Agulla.

cig.prensa@galizacig.com