Perto de cincuenta empresas da Construción pecharon este ano na provincia de Lugo

Unhas cincuenta empresas da construción pecharon na provincia de Lugo no que vai de ano. Esas son as cifras que deu a coñecer o secretario comarcal da CIG-Construción de Lugo, Antonio Niño. Desde a central sindical nacionalista, criticouse que a xustiza "está a ser moi lenta para resolver a situación que se crea despois destes peches", e informou de que este sector está a ser o máis afectado polo desemprego na crise.

Medio centenar de empresas da construción pecharon na provincia de Lugo no que vai de ano, segundo os datos cos que conta o secretario comarcal da CIG, Antonio Niño, quen subliñou que é "difícil facer unha valoración aproximada" porque o tipo de firmas dos que estamos é o "unha pequena empresa, mesmo autónomo con certos empregados". 

Problemática destas empresas

"O que acontece coa maioría destas sociedades é que chegan a unha situación de insolvencia, que non hai ningún tipo de patrimonio e ao final rematase cobrando do Fondo de Garantía Salarial para o que se pode tardar máis dun ano en percibir o que se lle debe a estes traballadores afectados"informou Niño. 

Lentitude da xustiza

Nese sentido, o secretario comarcal da CIG-Construción de Lugo lamentou a "lentitude" con que funciona a xustiza en Lugo para resolver estes casos e destacou que este é un sector "moi flexíbel", con empresas que chegaron a dispor de 40 operarios e, seis meses después, poden chegar a pasar a ter seis traballadores.

"Aquí, neste sector tan afectado pola crise, é onde está o maior número dos parados na provincia", rematou por manifestar Niño.