Gonvarri abrirá unha quenda de noite mentres anuncia un novo ERE para o persoal, con traballadores de ETT's e horas extras

A empresa do Metal Gonvarri, que realiza corte de chapas para as auxiliares de Citroën, e que polo tanto é un 2º ou 3º proveedor da automoción, tiña en 2007 110 traballadores. No 2009 aplicou dous ERE's: no primeiro semestre un de 60 días, dos que consumiu 19, e no segundo semestre outro de 40 dias, dos que non consumiu ningunha xornada. Na actualidade hai 85 traballadores, ademais dous están contratados por empresas de traballo temporal e están a realizarse un grande número de horas extras e vaise abrir unha quenda de noite. Neste contexto a empresa xa presentou a posibilidade dun novo ERE para este ano que será estudado en asemblea polo conxunto dos traballadores este sábado.

Até o momento en Gonvarri só se estaba a traballar en dúas quendas de mañá e tarde, mais a empresa anunciou a súa vontade de abrir a quenda de noite o 14 de febreiro, mais decidiu adiantar esta quenda ao 31 de xaneiro, ao mesmo tempo que anunciaban a decisión de presentar o terceiro ERE en ano e medio.

Horas extra e ETT

Marcos Conde, secretario comarcal da CIG-Metal en Pontevedra, cualifica de "sin sentido" este novo expediente xa que hai dous traballadores contratados por ETT, e se están a realizar numerosas horas extras, mesmo traballando sábados e domingos.

Expediente innecesario

"É un expediente innecesaria, e entendemos que o prioritario é que haxa un compromiso de mantemento dos postos de traballo máis alá deste expediente. Para nós é primordial", subliña Conde, xa que desde outras centrais sindicais, como UGT, se entende que o compromiso do mantemento do emprego é innecesario e que só sería papel mollado, "mais no contexto no que estamos é un arma moi importante que temos, e temos que defender os postos de traballo en primeiro lugar".

En Gonvarri hai 45 persoas en produción e 30 en administración, e a dirección xa afirmou que prescindiría de 10 traballadores de produción.

O sábado 30 de xaneiro terá lugar unha asemblea de traballadores na que decidiran que posición conxunta van tomar ao redor destas cuestións, e nomeadamente sobre o ERE.