Portada
Temas
Confederal
Sectores
Entrevistas
Opinion
Multimedia
Contacta
 
Compostela, 28/5/2009
Chuza Menéame del.icio.us
compartir

Concentración de traballadores/as de Ingemarga diante do edificio da Xunta en Lugo

Solicitan á administración que “mire con lupa” o ERE presentado pola empresa
Traballadores/as de Ingemarga concentráronse na mañá do 27 de maio diante dos edificios da Xunta en Lugo en contra do ERE presentado pola empresa e que suporá o despedimento de case a metade do persoal da fábrica que o grupo vasco ten en Guitiriz. Practicamente a totalidade do cadro de persoal, acompañado de representantes sindicais, secundaron a protesta a través da que pretenden amosar o seu total rexeitamento ao expediente de regulación na empresa e reiteraron que non van negociar “nin un só despedimento”.

Antonio Niño, responsábel da CIG-Construción en Lugo, destacou que practicamente a totalidade do cadro persoal secundou a mobilización diante da Xunta en Lugo, feito valorou de xeito moi positivo como un “síntoma de unidade”. Ademais, recibiron o apoio dunha parte da corporación municipal de Guitiriz, onde está asentada a fábrica, que tamén se sumou á protesta en sinal de solidariedade cos traballadores/as.

O persoal de Ingemarga permaneceu arredor dunha hora concentrado e protagonizou un corte de tráfico na Ronda da Muralla, unha das principais vías da cidade.

Reunión coa delegada da Xunta

Niño sinalou que coa protesta queren advertir á Consellaría de Traballo “que mire este expediente con lupa” e lembrou que de facérense efectivos os 64 despedimentos do ERE a empresa volveríase inviábel.

Por este motivo, o vindeiro venres 29 de maio, os representantes dos traballadores/as manterán unha xuntanza coa delegada da Xunta el Lugo, Raquel Arias, para solicitar que rexeiten o expediente de regulación.

Novas mobilizacións

O persoal de Ingemarga ten previsto levar a cabo novas mobilizacións nos vindeiros días entre as que se atopan novos paros na empresa, unha caravana de coches de Guitiriz a Lugo ou unha manifestación.

Novas relacionadas

cig.prensa@galizacig.com