Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 29/12/2009
Chuza Menéame del.icio.us
compartir

Os traballadores/as da limpeza do Concello de Ourense estará en folga o 4 de xaneiro

En resposta á negativa de Urbaser a asinar o convenio de 2009
A negativa de Urbaser, concesionaria da limpeza viaria e da recollida do lixo no Concello de Ourense, a asinar o convenio de 2009 motivou que o 99% do persoal acordase en asemblea secundar unha folga de 24 horas, que se estenderá desde as 06:00 horas do 4 de xaneiro até a mesma hora do día posterior.

A xornada de folga foi convocada polo Comité de empresa (do que forma parte a CIG con dous representantes) logo da aprobación en asemblea polo 99% dos asistentes. Cómpre lembrar que os operarios deste servizo teñen equiparadas as súas condicións económicas co persoal do Concello de Ourense. As reunións mantidas co alcalde tampouco valeron para solucionar o conflito.

No caso de que non se atendan as reivindicacións dos traballadores, a folga reiniciarase o 11 de xaneiro, pero con carácter indefinido.

Novas relacionadas

cig.prensa@galizacig.com