Cursos do Gabinete de Saúde Laboral -de Prevención de Riscos Laborais e de Prevención no sector da Lousa- en Valdeorras

Nos meses de abril e maio impartiranse dous cursos do Gabinete de Saúde Laboral en Valdeorras, un específico para a prevención para traballadores e traballadoras da lousa e outro xenérico de prevención de riscos laborais.

Curso específico de Prevención para traballadores/as da Lousa

Este curso terá lugar entre o 19 e o 27 de abril, en horario de 19:00 a 21:00 horas, cunha duración total de 12 horas. O número máximo de alumnos é de 25 e a el pódense apuntar traballadores/as en activo ou en situación de desemprego, sempre que desenvolvan a súa actividade no sector da lousa. No caso dos desempregados/as terase en conta que o seu último emprego fora neste sector.

Curso xenérico de Prevención de Riscos Laborais

A este curso, que está previsto impartir entre o 3 de maio e o 9 de xuño, cunha duración de 55 horas, pódense apuntar traballadores/as en activo, parados/as, autónomos/as e traballadores/as de calquera administración pública. O número de alumnos é de 25 e o horario está aínda sen concretar.