Portada
Temas
Confederal
Sectores
Entrevistas
Opinion
Multimedia
Contacta
 
Compostela, 30/5/2012
Chuza Menéame del.icio.us
compartir

O IES A Sangriña (A Guarda) acolle un novo peche contra os recortes no ensino público

Xa houbo en centros de Santiago, Melide, Ferrol, Verín, Vigo, A Coruña e Pontevedra. Nais, pais, estudantes e docentes precharanse en Ribeira e Carballo este xoves
Os peches en contra dos recortes no ensino público continúan este mércores no IES A Sangriña (A Guarda). Esta mañá rematou tamén o peche no IES Johan Carballeira de Bueu. A convocatoria da Plataforma Galega en Defensa do Ensino Público continúa o xoves con encerros en Ribeira e en Carballo. Co de Bueu, xa son dez os peches realizados en centros de ensino para esixir á Consellaría de Educación que non aplique ningunha das medidas recollidas no RD Lei 14/2012 e que o recorra por invadir as competencias que en materia educativa ten a Xunta de Galiza.

A Plataforma Galega en Defensa do Ensino Público ten previsto continuar cos encerros ata o 1 de xuño para, segundo explicou o secretario nacional de CIG-Ensino -organización que fai parte da Plataforma Galega en Defensa do Ensino Público-, Anxo Louzao, rexeitar os recortes propostos. Denuncia que con eles se ataca gravemente o ensino público e a súa calidade, así como o dereito de igualdade de oportunidades do alumnado e advirte de que aumentará o fracaso escolar e suporá o despedirá de máis de 2.000 profesores/as.

Galería

cig.prensa@galizacig.com