Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 31/5/2012
Chuza Menéame del.icio.us
compartir

Concentración diante do Concello de Ferrol para esixir a readmisión dos cinco traballadores de FIMO despedidos/as

O Pleno municipal debatiu varias mocións sobre este conflito
A CIG-Banca de Ferrol desenvolveu unha concentración na tarde do xoves diante do Concello de Ferrol en demanda da readmisión dos traballadores e traballadoras despedidos do Consorcio Pro-Ferias e Exposicións (FIMO). A protesta realizouse coincidindo co debate no Pleno Municipal de varias mocións –presentadas polo BNG e EU- contra os despedimentos.

Con tal motivo, a Federación de Banca da CIG demandou da totalidade dos grupos políticos, especialmente do PP (xa que as restantes formacións xa se manifestaron publicamente en contra dos despedimentos) o apoio ás mocións de solicitude de readmisión dos/as empregados/as afectados/as.

“Caso contrario, apunta Xosé Francisco Nebril, Secretario Comarcal da CIG-Banca,  serían cómplices das actuación da actual dirección que, ademais de ser nefastas, manifestan importantes irregularidades”.

Do mesmo xeito, a central sindical reclama o apoio público da industria, o comercio e a hostalería da comarca para a continuidade do recinto feiral, dada “a importancia que esta entidade representa como imaxe e proxección do tecido produtivo, comercial, e turístico de Ferrol e Comarca fronte á desastrosa xestión tanto no laboral como no económico da actual dirección”.

cig.prensa@galizacig.com