Convocada folga indefinida en Limpezas Ames a partir do próximo luns día 8 de febreiro

A empresa adebeda ás traballadoras dúas mensualidades e non teñen nin lixivia para realizar o seu traballo

A partir do próximo luns día 8 de febreiro comezará unha folga indefinida en Limpezas Ames, empresa concesionaria do servizo de limpeza de entre outros, o Colexio de Ventín, a Casa de Cultura do Milladoiro e de diversas oficinas do concello. Reclaman que a empresa lles pague as mensualidades que adebeda (os dous últimos meses) e mesmo que se lles proporcione material como lixivia, deterxentes... para poder realizar o traballo en condicións.

09-09-11 RP Anuncio folga traballadoras Limpezas Ames

Roberto Alonso, responsábel comarcal da CIG-Servizos en Compostela, acompañado por dúas traballadoras de Limpezas Ames.

A CIG reclama do concello de Ames que rescinda canto antes a contrata do servizo de limpeza a esta empresa. Esta é a cuarta vez que as traballadoras teñen que recorrer a medidas de presión para cobrar os seus salarios nun prazo de dous anos.

CIG-Servizos de Compostela non entende a deixazón e abandono das súas responsabilidades, por parte do concello, que é desde o primeiro momento coñecedor desta situación.