Portada
Temas
Confederal
Sectores
Entrevistas
Opinion
Multimedia
Contacta
 
Compostela, 5/6/2012
Chuza Menéame del.icio.us
compartir

O ensino en galego é residual na educación infantil das sete cidades

A MNL alerta de que a erradicación do galego das zonas máis poboadas e da escolarización básica pon en risco a cohesión social e o futuro da nosa cultura
Na educación infantil das sete cidades galegas (até os seis anos) a presenza da lingua propia do país “decaeu de forma notoria nos anos de goberno de Alberto Núñez Feijóo”, segundo denuncia a Mesa pola Normalización Lingüística. A entidade calcula que este descenso está mesmo por debaixo do 10% e alerta de que “unha posición tan residual da lingua propia nas áreas máis poboadas de Galiza e nas idades máis temperás pon en risco a cohesión social de Galiza e o futuro da nosa cultura”.

Por iso, a Mesa reclámalle á Xunta que “escoite ás asociacións de nais e pais, sindicatos, organizacións estudantís e movementos de renovación pedagóxica, que lle reclaman a unha soa voz unha política educativa, lingüística e cultural que non ataque os nosos sinais de identidade e que garanta as competencias comunicativas do alumnado no idioma propio de Galiza”.

A entidade tamén “anima” ás familias con nenas e nenos en educación infantil a que respondan “galego” nas preguntas da matrícula que lles achegarán desde os centros. “Sabemos que se trata dunha consulta trampeira, xa que nin fica claro o motivo da pregunta, nin as súas consecuencias, mais temos que ter claro que só respondendo galego se defenderá o dereito de aprendizaxe no idioma que nos une como galegas e galegos”, apunta o seu presidente, Carlos Callón.

cig.prensa@galizacig.com