Portada
Temas
Confederal
Sectores
Entrevistas
Opinion
Multimedia
Contacta
 
A Coruña, 5/9/2012
Chuza Menéame del.icio.us
compartir

Os traballadores de Electro-Montajes Cruz inician unha folga indefinida para esixir o pago dos salarios adebedados

O persoal leva cinco meses sen cobrar as súas nóminas
Os traballadores de Electro-Montajes Cruz (situada no Polígono da Gándara de Ferrol) veñen de iniciar este mércores unha folga indefinida para esixir á empresa que pague os cinco meses de salario que lles adebeda.

O persoal acordou adoptar esta medida de presión ante a negativa da empresa a procurar un acordo para acadar unha saída a esta situación. Para visibilizar a protesta, os traballadores manteñen unha concentración diante das instalacións da empresa.

Aínda que os atrasos no pagamento dos salarios xa se converteron nunha práctica habitual, explican dende a CIG-Metal de Ferrol, nunca antes se producira unha acumulación de débeda de tal magnitude. Esta situación ten deixado aos traballadores nunha situación económica moi complicada, xa que teñen serias dificultades para facer fronte ao pago dos gastos correntes, facturas, hipotecas, etc.

Ante a falta de avances nas conversas co empresario, o persoal acordou iniciar hoxe folga indefinida e xa demandaron pola vía xudicial a rescisión dos seus contratos, para a así, polo menos, poder acceder ao cobro das prestacións por desemprego.

cig.prensa@galizacig.com