Os empregados de Electricidade Rodi mobilízanse contra o impago dos seus salarios desde o mes de outubro

Os traballadores da empresa viguesa de electricidade Rodi hai unha semana que encontraron as portas da sua empresa pechadas, ademais de levar desde o mes de outubro co impago dos seus salarios, polo que desde o 7 de xaneiro mobilizaranse para demandar que se lles reintegre as cantidades que se lles deben e polo mantemento dos postos de traballo. O mércores mobilizáronse ao longo da mañá, desde as dez, fronte á estación de servizo de Teis e xunto a Fenosa.

A empresa de Electricidade Rodi, situada na rúa Aragón 187, pechou as portas aos dez traballadores, que pretendian continuar a traballar nos seus empregos habituais de electricidade, mantemento e instalación de calefacción.

Estes traballadores levan desde o mes de outubro con impago de salarios, e cunha suspensión de pagos encubertas, que deixou pagas extras de verán e inverno e horas extras sen retribuir.

A concentración do 7 de xaneiro pola mañá diante da gasolineira de Teis, ten que ver con que o empresario que os deixa na rúa é socio cooperativista desta estación de servizo.