A flota cefalopodeira reclámalle o Goberno español que negocie en privado con Mauritania para lograr un novo acordo pesqueiro

Os mariñeiros da flota cefalopodeira que faenaba en augas de Mauritania reclámanlle ao Goberno español que manteña contactos privados co país africano para lograr un novo acordo pesqueiro coa UE que lles permita regresar ao traballo. Os afectados solicitáronlle hoxe á conselleira do Mar, nunha xuntanza celebrada hoxe en Marín coa corporación municipal e na que estivo presente unha representación da CIG, que sexa a propia Xunta a que propicie o encontro.

Os mariñeiros afectados polo acordo entre a UE e Mauritania que expulsa á flota cefalopodeira galega fan un chamamento para que o Goberno español manteña negociacións privadas co Goberno africano de cara a lograr unhas novas condicións que permitan o regreso dos arredor de 20 barcos galegos que faenaban en augas mauritanas.

Unha representación dos traballadores e dos armadores mantivo unha xuntanza hoxe en Marín coa conselleira do Mar e coa corporación a petición do BNG. Durante o encontro, solicitáronlle á responsábel autonómica que sexa a Xunta a que presione para que o encontro bilateral se produza.