Portada
Temas
Confederal
Sectores
Entrevistas
Opinion
Multimedia
Contacta
 
Compostela, 8/3/2012
Chuza Menéame del.icio.us
compartir

A CIG chama aos galegos e galegas a mobilizarse, o 10 de Marzo contra unha reforma laboral que “saquea á clase traballadora”

Convoca manifestacións en todas as cidades, ademais de Vilagarcía e Ribeira
Con motivo do Día da Clase Obreira Galega a CIG convoca manifestacións, o sábado 10 de marzo, en todas as cidades, ademais de en Vilagarcía e Ribeira, contra a reforma laboral que vén de aprobar o PP. Unha reforma que supón a demolición dos dereitos do traballo e saquea á clase traballadora, para contentar aos grandes empresarios, á banca e aos máis ricos. Ante isto, a CIG chama aos  galegos e galegas a mobilizarse para responder, con toda a forza necesaria, e impedir a consumación desta agresión brutal contra a clase traballadora.

“Se nos organizamos... podémolos parar! Esa é a mensaxe da central sindical e ese é o traballo que vén facendo toda a súa estrutura desde que anunciou a convocatoria de folga xeral do 29 de marzo. Un traballo centrado en explicar o alcance da reforma e as súas consecuencias e en aglutinar forzas, concienciando ás traballadoras e traballadoras nas empresas, nas rúas e nas múltiples asembleas de delegados e delegadas que xa se foron celebrando por todo o país de que, fronte a mensaxe única que se emite, estas non son as únicas políticas posíbeis, porque non somos as/os responsábeis da crise e si hai alternativas.

Para a CIG esta reforma é un auténtico “golpe de estado”, porque se lle quitan todos os dereitos ás traballadoras e traballadores, ao tempo que se traslada diñeiro público do Estado ás empresas nas bonificacións, nas deducións fiscais e no pagamento das indemnizacións por despedimento do Fogasa, reducindo gastos en Sanidade, ensino, servizos públicos, pensións e prestacións.

A central sindical alerta de que a consecuencia máis inmediata será o empobrecemento da clase traballadora e non activará a economía, porque reducirá o consumo e afectará ao 90% das empresas que viven do consumo interno e non da exportación.

Manifestacións

O secretario xeral da CIG, Suso Seixo, participará na ofrenda floral e na manifestación de Ferrol.

  • Ferrol: Ás 11:00 horas ofrenda floral na escultura a Amador e Daniel. Ás 12:00 horas sairá a manifestación do lado da sede do sindicato, na Avda de Esteiro.
  • Vigo: Ás 20:00 h, desde a Vía Norte
  • A Coruña: Ás 12:00 horas na Praza de Vigo
  • Pontevedra: Ás 19:00 horas, na Praza da Ferrería
  • Compostela: Ás 12:30 horas, na Praza Roxa
  • Lugo: Ás 12:00 horas, do lado do local da CIG, na Ronda da Muralla
  • Ourense: Ás 12:00 horas, do Pavillón dos Remedios
  • Vilagarcía: Ás 20:00 horas, na Casa do Mar
  • Ribeira: Ás 20:00 horas, na Praza do Concello
cig.prensa@galizacig.com