Portada
Temas
Confederal
Sectores
Entrevistas
Opinion
Multimedia
Contacta
 
Vigo, 9/10/2012
Chuza Menéame del.icio.us
compartir

A Executiva Confederal da CIG denuncia a dispersión penitenciaria que practica o Estado español cos presos/as políticos/as

A central reclama que se garantan os dereitos das persoas presas tras as últimas detencións de cidadáns/ás galegos/as
A Executiva Confederal da CIG decidiu na súa última xuntanza amosar o seu rexeitamento á dispersión penitenciaria que o Goberno español lles aplica sistematicamente os presos/as políticos/as tras as últimas detencións de militantes independentistas galegos/as. Dende a central nacionalista reclaman que se garantan os dereitos das persoas presas e das súas familias e censuran que esta práctica -que conculca a propia lexislación española- castiga tamén a familiares e amigos/as.

O organismo de dirección da central nacionalista decidiu por unanimidade denunciar publicamente esta práctica despois das recentes detencións practicadas pola Policía española no ámbito do independentismo galego e tras comprobar que as persoas arrestadas son recluídas en prisións que se atopan a centos e centos de quilómetros do noso país.

Dende a central nacionalista critican que con esta política de dispersión penitenciaria que o Estado español aplica dende hai máis de tres décadas contra os presos/as políticos/as penalízase tamén ás súas familias e amizades. Neste senso, lembran que a tanto a propia Lei Penitenciaria como a Constitución españolas establecen o dereito dos presos/as a permaneceren recluídos en centros que se atopen o máis cerca posíbel do seu domicilio habitual.

Finalmente, salientan que os constantes incumprimentos nesta materia por parte do Goberno español motivou numerosas denuncias de distintos organismos e institucións internacionais.

cig.prensa@galizacig.com