Os traballadores/as de Grafoplas concéntranse ás portas da empresa contra o despedimento de oito compañeiros/as

Traballadores e traballadoras de Grafoplas, situada en Culleredo e dedicada á fabricación e venda de material de oficina, concentráronse este martes ás portas da factoría en rexeitamento aos oito despedimentos executados pola empresa, aproveitando as facilidades introducidas pola regresiva reforma laboral do PP.

A protesta, que se desenvolveu entre as 15:00 e as 15:30 horas, enmárcase no calendario de mobilizacións aprobado pola asemblea de traballadores/as, consistente en realizar concentracións os martes de cada semana. Así mesmo, estase a estudar a posibilidade de realizar unha xornada de folga, aínda que falta por concretar a data.

A empresa pola súa banda alega causas económicas para xustificar os despedimentos e aprovéitase das facilidades introducidas na reforma laboral aprobada polo PP, para desfacerse do seu persoal dun xeito sinxelo e barato.