Os traballadores e traballadoras da plataforma de Atento Teleservicios na Coruña continuaron este xoves co calendario de mobilizacións acordado de xeito urxente, logo de que a empresa comunicase que vai despedir a 112 empregadas/os do servizo de Pymes e outros 30 de CAT-Adsl. As protestas continuarán mañá e a vindeira semana, ademais, están convocados paros de unha hora por quenda de traballo.

Traballadores e traballadoras da Fábrica de Armas protagonizaron unha nova manifestación este mércores, dende a factoría até a rotonda do Alcampo de Palavea, en rexeitamento ao peche das instalacións e para esixir a implicación da Xunta e o Ministerio de Fomento neste conflito e garantir a continuidade da actividade industrial. Ademais da manifestación, o persoal continúa desenvolvendo peches rotatorios nas instalacións.

A Xunta de Persoal da Xerencia de Atención Integrada da Coruña vén de reclamar a cobertura inmediata da praza de xinecoloxía do COF do Ventorrillo, xa que logo de transcorridos tres meses o Sergas continúa sen atender as demandas do persoal sanitario e a cidadanía a este respecto. O Centro de Orientación Familiar permanece sen xinecólogo/a, logo de que o especialista que atendía o servizo se xubilase e o Sergas decidise non cubrir a praza e remitir as usuarias/os á o COF de Orillamar. Medida que suscitou a convocatoria de varias mobilizacións.

O Comité da Fábrica de Armas da Coruña ten convocada para este domingo, 7 de abril, unha gran manifestación polas rúas da cidade en contra da decisión de General Dynamics de pechar as instalacións e na defensa de todos os postos de traballo e o futuro industrial da comarca. A manifestación sairá ás 12:00 horas dende a Praza da Palloza e rematará no Obelisco.

Os traballadores e traballadoras de Santa Bárbara Systems volverán manifestarse polas rúas da Coruña o sábado 23 de marzo, cunha marcha que partirá da Praza da Palloza ás doce do mediodía e irá até a Delegación do Goberno, onde se vai facer entrega dun escrito dirixido ao Ministerio de Defensa, reclamando a súa implicación a favor da continuidade da factoría e o futuro industrial da comarca.

A CIG-Administración da Coruña vén de denunciar en rolda de prensa as consecuencias que están as ter as políticas privatizadoras e de amortización da Xunta do PP, que suporán a perda de emprego público e a desaparición de moitos servizos públicos na comarca. Unha política de desmantelamento da administración, explicou a Secretaria Nacional da Federación da CIG, Maricarme López Santamariña, que está comezando a reflectirse mesmo nos datos da EPA, pois xa recolle un acelerado ritmo de destrución de emprego de carácter público.

O Comité de empresa de Traballo e Benestar da provincia da Coruña mantivo este martes unha reunión có alcalde de Ferrol e presidente da Fegamp, para tratar das amortizacións de postos de traballo na Oficina de Valoración da Dependencia e Discapacidades de Ferrol e o seu traslado á cidade da Coruña. Na xuntanza estiveron presentes así mesmo traballadoras desta Oficina da Dependencia.