Un grupo de traballadoras/es de Alfageme concentráronse esta mañá diante da delegación da Xunta de Galiza en Vigo para reclamarlle ao Goberno galego que libere os avais concedidos no seu día á conserveira co obxectivo de que se poida liquidar o proceso concursal e proceder á venta da empresa. Dende a FGAMT-CIG lembraron que unha sentenza recente recoñece que a familia propietaria pretende dilatar o procedemento e anuncian que seguirán coas mobilizacións até que exista un compromiso firme por parte dos responsábeis autonómicos.

O secretario nacional da FGAMT-CIG, Xosé Fernández Piñeiro, saíu absolto do xuízo de faltas celebrado hoxe no Xulgado de Instrución número 8 de Vigo despois de que os denunciantes decidisen retirar as acusacións de insultos, coaccións e ameazas que supostamente se produciran no mes de abril de 2010 cando os propietarios de Alfageme pretendían retirar uns pagarés das instalacións da empresa e trasladalos á oficina da inmobiliaria Promalar. Dous vixilantes de seguridade e unha secretaria renunciaron a manter os cargos ao non comparecer o ex xerente da conserveira, de igual xeito que as dúas traballadoras que denunciaran á secretaria por agresión.

A CIG ten convocada unha concentración solidaria o vindeiro martes día 7 diante dos xulgados de Vigo a partir das 11.30 horas, coincidindo coa comparecencia do secretario nacional da FGAMT. Xosé Fernández Piñeiro foi acusado polos donos de Alfageme de insultos, ameazas, coaccións e agresións durante un conflito producido no mes de abril de 2010 na conserveira cando os propietarios pretendían retirar uns pagarés das instalacións da empresa e trasladalos á oficina da inmobiliaria Promalar mentres os empregados/as seguían sen cobrar.

As traballadoras e traballadores da conserveira Alfageme dos centros de Vilaxoán, O Grove, Ribadumia e Vigo realizaron hoxe unha concentración diante da delegación da Consellería de Industria e do Igape na cidade olívica para denunciar a falta de información e a “nula implicación” da Xunta de Galiza no conflito laboral iniciado pola entrada da compañía na lei concursal. Representantes da CIG e do comité de empresa reclamaron a dimisión do conselleiro Javier Guerra e do presidente do Igape despois de que non lles trasladase os detalles das ofertas de compra existentes durante a xuntanza que tivo lugar onte.

As traballadoras e traballadores da conserveira Alfageme dos centros de Vilaxoán, O Grove, Ribadumia e Vigo realizarán mañá unha concentración diante da delegación da Consellería de Industria e o Igape na cidade olívica para denunciar a falta de información e a “nula implicación” da Xunta de Galiza no conflito laboral iniciado pola entrada da compañía na lei concursal. Representantes da CIG e do comité de empresa compareceron hoxe publicamente para reclamar a dimisión do conselleiro Javier Guerra e do presidente do Igape.

A administración concursal de Alfageme presentou unha demanda contra a inmobiliaria Promalar, tamén propiedade da familia Lago, por presunto financiamento irregular ao ter desviado preto de 12 millóns de euros en axudas concedidos á conserveira. A denuncia, que foi admitida a trámite, esixe o reingreso dos cartos na empresa, o que permitiría facer fronte ás indemnizacións pendentes coas traballadoras/es.

O informe económico elaborado pola administración concursal de Alfageme vén confirmar as sospeitas da CIG no que respecta á responsabilidade da dirección na situación que atravesa a conserveira, inmersa nun Expediente de Regulación de Emprego e sen ter abonado parte dos salarios nin as indemnizacións aos traballadores/as despedidos. Dende a central nacionalista adiantaron que barallan tamén extender a investigación “con carácter retroactivo” ás contas da empresa para determinar se existiron irregularidades tipificadas como delito.