A Fiscalía decidiu manter a petición de prisión para o secretario confederal de Negociación Colectiva e Saúde Laboral da CIG ao remate do xuízo celebrado este martes en Vigo a pesar de que non quedou acreditada a autoría dos feitos polos que se lle acusa, xunto a outras dúas persoas, de desordes públicos e danos durante a ocupación da estación marítima na folga do metal de 2009. Antolín Alcántara recibiu o apoio e a solidariedade dun nutrido grupo de compañeiros/as da central nacionalista, que se concentraron ás portas dos xulgados para reclamar a súa absolución.

A CIG convoca unha concentración solidaria diante dos Xulgados de Vigo mañá martes a partir das 8.30 horas coincidindo co xuízo, que fora adiado, contra un dirixente da central e outras dúas persoas máis que participaron nas folgas convocadas durante a negociación do convenio colectivo do metal. A Fiscalía solicita catro anos de prisión e unha multa económica para Antolín Alcántara, secretario confedral de Negociación Colectiva e Saúde Laboral, acusado de ocupar a estación marítima xunto a outros traballadores/as durante as mobilizacións do ano 2009.

A titular do Xulgado do Penal número 2 de Vigo decidiu atender a petición da Fiscalía e da defensa e adiou o xuízo contra o secretario confederal de Negociación Colectiva da CIG, Antolín Alcántara, que está acusado de desordes públicos e danos durante a ocupación da estación marítima da cidade na folga do metal en 2009. Centos de persoas concentráronse ás portas do edificio xudicial para amosar a súa solidariedade co representante sindical e rexeitar a petición de catro anos de cadea.

A CIG convoca unha concentración solidaria diante dos Xulgados de Vigo mañá martes a partir das 11.30 horas coincidindo co xuízo a un dirixente da central que participou nas folgas convocadas durante a negociación do convenio colectivo do metal. A Fiscalía solicita catro anos de prisión e unha multa económica para Antolín Alcántara, secretario confedral de Negociación Colectiva e Saúde Laboral, acusado de ocupar a estación marítima xunto a outros traballadores/as durante as mobilizacións do ano 2009.

O “Acordo Social e Económico” ten como principal obxectivo o trasvase de rendas derivadas do traballo cara o capital privado a través dunha serie de medidas que reducen a cuantía das pensións, aumentan a idade de xubilación de 65 a 67 anos e ampliación do período de cálculo de 15 a 25, entre outras. Para Antolín Alcántara, secretario de negociación colectiva da CIG e un dos entrevistados nesta video-reportaxe, este acordo pretende “desmobilizar e desmotivar a clase traballadora”, ademáis de verificar o papel de CCOO e UGT como axentes colaboradores do sistema e lexitimadores dos recortes sociais e laborais.

A CIG estaría disposta a mobilizarse se as medidas propostas polo Goberno para negociar no marco do Pacto de Toledo -ampliar o tempo de cálculo da pensión e atrasar a idade de xubilación- se aproban. Antolín Alcántara, secretario confederal de Negociación Colectiva considera que estas medidas afectarían gravemente aos traballadores/as dos sectores máis castigados fisicamente e a aqueles/as que padecen con máis dureza a precariedade laboral: muller e mocidade.

A CIG centrará os procesos de negociación colectiva en 2010 fundamentalmente nos salarios e na xornada laboral. Así o explicou esta mañá en rolda de prensa, Antolín Alcántara, secretario confederal de Negociación Colectiva, quen constatou que o recorte ou a contención salarial non garanten unha maior competitividade nin van favorecer unha máis rápida saída da actual situación de crise económica. Alén diso, a CIG defenderá a participación directa das traballadoras/es nos procesos de negociación para que sexan quen finalmente decidan sobre os contidos dos convenios e exixirá, segundo explicou Margarida Corral, secretaria confederal de Muller, que se desenvolva a Lei de Igualdade e que non se utilice como escusa a crise para frear os avances acadados nesta materia.