A CIG celebrou na tarde deste xoves en Burela unha asemblea comarcal de delegadas e delegados sindicais. Na mesma abordáronse os distintos conflitos que a día de hoxe marcan a delicada situación do mercado laboral na comarca e presentáronse as alternativas que a central sindical contempla como imprescindíbeis para mudar o modelo económico actual e, polo tanto, esta situación.

A CIG-Metal ten convocada unha xornada nacional de loita este mércores, 1 de xuño, en Compostela, en demanda de carga de traballo e o cumprimento dos compromisos políticos que garantan os empregos e o futuro do naval galego, un sector punteiro que nos últimos tempos rexistrou unha forte caída no emprego e cuxa presenza no tecido produtivo podería quedar reducida por mor da falta de novos contratos. A xornada enmárcase no calendario de mobilizacións que a central ten realizado este ano nas dúas comarcas onde o naval ten maior peso, Vigo e Ferrol, e reiterará o chamamento á responsabilidade dos gobernos estatal e galego para facer fronte a esta crítica situación.

A CIG celebrará este xoves, 13 de xaneiro, a partir das 10:30 horas, no Pazo de Congresos de Compostela, unha asemblea nacional de delegados e delegadas para preparar a xornada de folga xeral que a central ten convocada o vindeiro xoves 27 de xaneiro e avaliar as consecuencias que está a ter a aplicación da reforma laboral, así como analizar o impacto que terá a reforma do sistema público de pensións e da negociación colectiva pretendidas polo Goberno español.

A Federación do Metal da CIG ten convocada unha xornada nacional de mobilización de delegados e delegadas para este xoves, 2 de decembro, na cidade de A Coruña, en defensa da negociación dos convenios na Galiza. A manifestación enmárcase na campaña de resposta contra a reforma laboral e a pretendida reforma da negociación colectiva que está desenvolvendo a Confederación Intersindical Galega.

A CIG de Ferrol realizou este xoves unha asemblea de delegados e delegadas para informar da campaña de mobilizacións que a central está a desenvolver en contra das políticas antisociais postas en marcha polo goberno español e galego, e anunciar a convocatoria das manifestacións que o vindeiro 18 de novembro a CIG vai realizar en cada unha das comarcas. Durante a asemblea, tamén se abordou a situación do persoal do Souto de Leixa e se animou a participar na marcha que a plataforma SOS Sanidade Pública ten previsto desenvolver o 21 de novembro en Compostela.

A Unión Comarcal da CIG en A Coruña vén de celebrar unha asemblea de delegados e delegadas para presentar a campaña de mobilizacións que a central ten convocadas en todas as comarcas o vindeiro 17 de xuño en contra das medidas “anticrise” aprobadas polos gobernos español e galego e para rexeitar unha reforma reforma laboral que só traerá máis precarización e desregulación do mercado do traballo. Durante a asemblea abordouse a necesidade de dar un paso firme na loita contra un novo recorte dos dereitos da clase traballadora, defendendo a necesidade urxente dunha convocatoria de folga xeral.

Delegados e delegadas da CIG en A Coruña participaron na mañá deste xoves na asemblea comarcal previa á conmemoración do Día Internacional da clase traballadora. O Secretario Comarcal, Paulo Carril, foi o encargado de explicar os motivos e as reivindicacións que levarán á CIG novamente á rúa este Primeiro de Maio, unha data máis vixente ca nunca diante do recorte dos dereitos dos traballadores e traballadoras, chegados da man dos pactos de contención salarial, da reforma da seguridade social e dunha reforma laboral que pretende cargar na clase obreira as causas e as consecuencias desta crise mentres o capital continúa “campando as súas anchas”.