O Comité de Atento A Coruña acaba de informar da interposición de demanda de conflito colectivo contra a empresa para reclamar a nulidade das reducións de xornada impostas a preto de 180 traballadores/as que xa tiñan xornadas parciais. A decisión do Comité veu motivada pola negativa da empresa a chegar a un acordo durante o acto de conciliación que tivo lugar este mércores.

O persoal da plataforma de Atento na Coruña continuou este martes coas mobilizacións en protesta polas reducións de xornada que a empresa do telemárketing comunicou a 180 traballadores/as. Esta modificación substancial das condicións de traballo, que a dirección aplica grazas as facilidades introducidas pola reforma laboral do PP, terán efecto, na maioría dos casos, a partir deste día 3 de abril.

Os traballadores e traballadoras de Atento continuaron este luns coas mobilizacións en contra das reducións de xornada para o persoal do servizo CAT- ADSL, que actualmente xa ten contratos a tempo parcial. Os traballadores/as secundaron dúas concentracións, por quenda de traballo, entre ás 11 e ás 12 da mañá e pola tarde das 19 ás 20 horas.

Os traballadores e traballadoras de Atento están secundando este venres paros de unha hora e concentracións nas distintas quendas de traballo en rexeitamento ás intencións da empresa de reducir a xornada laboral –e o salario- do persoal do Servizo CAT- ADSL, que actualmente xa ten contratos a tempo parcial.

Traballadores e traballadoras do telemárketing da Coruña concentráronse está mañá diante das principais empresas do sector para demandar a negociación dun convenio colectivo digno e con dereitos, que en Galiza dá emprego a unhas 8.000 persoas. As mobilizacións, convocadas pola Federación de Banca da CIG, terán continuidade o vindeiro 8 de xuño na cidade de Vigo.

A sección sindical da CIG en Atento A Coruña vén de remitir denuncia á Axencia española de Protección de Datos (AEPD) para que investigue a decisión da empresa de proceder a gravar as conversas dos/as traballadores/as cos/as usuarios/as do servizos e ceder datos identificativos do persoal para o control de calidade, sen especificar nin que datos se rexistrarán nin a que tipo de clientes se vai permitir o acceso aos mesmos.

Os traballadores e as traballadoras de ATENTO foron os galardoados na III edición do Premio do Día da Clase Obreira Galega, co que a CIG quere recoñecer a loita levada a cabo polo persoal desta empresa durante o ano pasado. O premio tamén pretende ser unha homenaxe a todos os/as traballadores/as do telemárketing, un sector especialmente precarizado e vítima constante dos procesos de deslocalización. Así mesmo, fíxose unha especial mención a labor desenvolta polas seccións sindicais de Cedonosa, Ingemarga e Ferroatlántica.