CIG-Correos vén de denunciar que varias zonas do Concello de Culleredo e do núcleo urbano de O Temple (no Concello de Cambre) levan desde principios de semana sen carteiro e con graves problemas no reparto dos obxectos postais, por mor do abandono da Xefatura provincial de Correos e Telégrafos que “non procedeu á contratación dun traballador/a para substituír ao carteiro titular durante as súas vacacións”.

CIG-Correos vén de denunciar que durante os primeiros días do mes de xuño non houbo reparto de correspondencia nunha parte importante do concello de Teo o que provocou que máis de 3.000 obxectos postais se acumularan na oficina que a entidade ten neste concello. A falta de reparto afectou concretamente a Adelfas, Agro do Medio, Cabido, Corgo, Parque Montouto, A Poboa, San Sadurniño e outras rúas e lugares do municipio.

Entre 4.5 e 5 millóns de obxectos postais permanecen sen repartir na Galiza, segundo os cálculos realizados pola CIG-Correos. O exceso do volume da correspondencia acumulado responde á decisión do goberno de Zapatero de suprimir o reparto extraordinario que habitualmente se viña realizando en período electoral, que agora se engade aos problemas estruturais do servizo no noso País e á falta de persoal.