A Confederación Intersindical Galega esíxelle á Fiscalía Anticorrupción que depure responsabilidades pola xestión de Caixa Galicia, Caixanova e Novacaixagalicia e investigue a valoración da entidade pactada entre o Banco de España e os fondos de investimento estadounidenses. A federación de Banca da central nacionalista reclámalle tamén ao Banco de España a apertura dun expediente sancionador aos ex directivos da caixa polo cobro de indemnizacións millonarias.

A CIG continuará este xoves 24 de febreiro o calendario de mobilizacións na defensa da existencia das caixas cunha concentración de delegados e delegadas da central diante do Concello de Vigo, a partir das 11:30 horas. A CIG lembra que o decreto do goberno español paraa privatización destas entidades supón un novo ataque ao autogoberno galego, un novo recorte social para beneficio da gran banca e unha tentativa de privatización do maior patrimonio empresarial común.

A CIG desenvolveu esta mañá a primeira das mobilizacións que a central vai promover na defensa do carácter público das caixas de aforro e contra das pretensións do goberno do PSOE de privatizar novacaixagalicia. Ducias de delegados/as da entidade e sindicalistas trasladáronse até A Coruña para participar na concentración que se desenvolveu diante da Delegación do Goberno na Galiza, de onde saíron en marcha até a sede do Banco de España.

A CIG amosou o seu rexeitamento ao Real Decreto Lei 9/2009 sobre reestruturación bancaria e reforzamento dos recursos propios das entidades de creto, un Decretazo que pon en marcha a reconversión do sector financeiro con escandalosas axudas públicas, por valor de 100.000 millóns de euros, e que podería levar á destrución de 5.000 empregos só na Galiza. Así mesmo, a norma abre as portas á posibilidade de fusións entre Caixas de distintas Autonomías; fusión que suporán a perda do carácter galego das principais entidades do País, Caixa Galicia e Caixanova, así como a deslocalización das súas Sedes e Servizos Centrais.

A Federación de Banca e Aforro da CIG ten convocada unha manifestación nacional de delegados/as do sector financeiro para o vindeiro día 12 de maio na cidade da Coruña, en contra da destrución de emprego por parte das entidades bancarias. A manifestación comezará as 11:30 horas diante da Delegación do Goberno en Galiza e rematará diante do Banco de España. Dende a central denúnciase que as axudas a Bancos e Caixas “non están chegando ao tecido produtivo, pero enchen os petos das altas direccións que continúan cobrando salarios de escándalo”.

A Federación de Banca e Aforro da CIG considera que a intervención de Caja Castilla La Mancha demostra que a falta de control e supervisión do sistema financeiro español “anunciaban serios problemas para a viabilidade e supervivencia das entidades”. Dende a CIG-Banca sinalan que “a actual intervención do Banco de España é un parche ante a maltreita situación do sistema financeiro español”, reclamaron a nacionalización do sector e a reforma urxente da Lei Galega de Caixas de Aforros.

Así de categóricas foron as conclusións da Asemblea Nacional de delegados e delegadas da CIG nas Entidades financeiras, celebrada o 18 de febreiro en Compostela. Neste acto analizouse polo miúdo a difícil situación laboral e económica das Entidades financeiras de cara a dar resposta sindical á precarización e destrución de emprego, e cara á elaboración de propostas para a reforma do sistema.