Representantes de Queremos Galego fixeron entrega, este mércores 5 de maio, no Rexistro Xeral da Xunta de Galiza, de 4.530 sinaturas do profesorado que se adheriu á campaña “Dou e darei as clases en galego”, coa que expresa a súa intención de continuar a impartir as aulas en galego e manifesta, explicitamente, o seu rexeitamento ao decretazo. A campaña púxose en marcha por mor do ataque, sen precedentes, contra o noso idioma ao incluír o mal chamado ‘decreto de plurilingüismo’ a prohibición  -que por vez primeira se recolle na lexislación galega- de impartir materias en lingua galega, nomeadamente as de Matemáticas, Física e Química e Tecnoloxía, ademais de proscribir o galego na práctica en toda a educación infantil das cidades e principais vilas do país.

Unha representación da Plataforma cidadá Queremos Galego mantivo, o 23 de febreiro, un encontro con Simone Klinge, integrante do secretariado do Consello de Europa para a Carta europea das linguas rexionais ou minoritarias (CELRM), aproveitando a súa presenza en Galiza.

O presidente da Mesa pola Normalización Lingüística, Carlos Callón, participa en Gdansk (Polonia) no Consello Xeral da Axencia Europea para as Linguas Minorizadas (EBLUL), no cal se porán en común experiencias de diferentes entidades que traballan en varios puntos do continente en defensa das linguas que están en proceso de normalización social. O representante galego, ademais, será designado formalmente como presidente do Comité desta Axencia Europea no Estado español, cun mandato que durará os próximos tres anos.

A Mesa pola Normalización Lingüística lamenta as declaracións feitas onte polos directivos do Club Financiero Vigo (CFV) en contra do uso normal da lingua galega. Segundo a asociación en defensa do idioma propio de Galiza, o documento presentado o 2 de setembro polo CFV baixo o título “Política Lingüística. Una visión empresarial” e aprobado pola súa xunta directiva “cáese das mans pola súa acumulación de prexuízos carpetovetónicos”.

O presidente da Mesa pola Normalización Lingüística, Carlos Callón, sinalou o 27 de agosto nunha comparecencia ante os medios de comunicación, que “o conflicto lingüístico está activo en Galiza porque existen grupos poderosos que tentan que a lingua galega desapareza da vida pública e que se consolide a ausencia de dereitos dos galegofalantes”. O presidente da Mesa acusou ao Partido Popular de liderar estes grupos de presión.

A Mesa pola Normalización Lingüística vén de facer un chamamento a participar na manifestación convocada para o vindeiro domingo día 18 de maio, tras alertar da grave situación na que se atopa o galego. Carlos Callón, presidente da asociación presentou ademais o material gráfico da campaña “Polo dereito a vivirmos en galego”