A CIG-Saúde de Lugo vén de solicitar á administración sanitaria que acometa unha reforma urxente do centro de saúde da Milagrosa, xa que as deficientes condicións nas que se atopa o edificio dificultan o traballo dos profesionais e diminúen a calidade asistencial. A reclamación chega logo da última incidencia no centro, ao avariarse o ascensor durante días impedindo aos usuarios/as con dificultades de mobilidade achegarse até a consulta dos/as facultativos.

CIG-Saúde quere manifestar a súa preocupación pola situación na que se atopa a atención pediátrica no Centro de Saúde de Tui. As dúas pediatras actuais teñen o maior número de pacientes da área sanitaria, con 1.420 e 1.335 respectivamente. Dende o luns 11 de xaneiro o Centro de saúde de Tui non ten pediatras por ausencia xustificada das mesmas. O Servizo Galego de Saúde di que o martes 12 serán substituídas cando a realidade é que todo segue igual. As usuarias e usuarios mobilizáronse para protestar por este feito recollendo sinaturas.

Arredor de cen persoas participaron na concentración convocada ao martes 30 de xuño diante do Centro de Saúde de Tomiño, para protestar polas condicións de “extrema calor” que se rexistran no interior do edificio, de xeito que mesmo se chegan a superar os 40º durante as tardes dos días de calor. Dende a CIG-Saúde lémbrase que se reclamou ao SERGAS trasladar as consultas de tarde á mañá até que se solucionara o problema, aínda que dende a Consellaría se negaron a adoptar esta medida.

Os traballadores e traballadoras do centro de saúde de Tui volveron mobilizarse o xoves 13 de marzo, como xa fixeron o pasado 26 de febreiro, para demandar que se restitúan os colectores de lixo da superficie, que despois das obras de humanización que se realizaron nesta vila, foron situados a 50 metros do centro de saúde, e ese tipo de colectores teñen unha apertura moi pequena e non se poden introducir os sacos de lixo que saen deste ambulatorio.

CIG-Saúde comunica o acordo de declaración de folga no centro de saúde de Tomiño, dependente da Xerencia de Atención de Primaria de Vigo para o 27 de novembro. Denuncian con esta folga que xa está rematado, desde hai meses, o novo centro de saúde realizado neste concello do sul da provincia de Pontevedra, e que é preciso que abra as súas portas, xa que o actual centro de saúde conta cunhas condicións moi precarias.