A CIG-Administración denuncia que a suposta política de austeridade do Goberno de Feijóo contrasta coas diversas irregularidades que detectadas durante a negociación colectiva da modificación na Relación de Postos de Traballo (RTP) da Consellaría de Sanidade e Sergas.

A CIG obtivo 8 delegados/as nas eleccións celebradas o 21 de xuño nos centros do Imserso da Coruña (CAMF de Ferrol e CPAP de Bergondo), manténdose como primeira forza sindical no Comité de empresa e reforzando a súa maioría absoluta ao conseguir un representantes máis.

Os 14 integrantes do parque de Bombeiros do Porriño permanecen pechados nas instalacións do polígono das Gándaras para reclamar a readmisión de dous compañeiros que foron despedidos pola empresa Celta Prix un día antes de que rematase o seu período de proba sen mediar explicación. Coa protesta, á que xa se sumaron bombeiros do Salnés, demandan tamén maior estabilidade laboral.

A Sección Sindical da CIG no Concello da Coruña vén de advertir que o anuncio realizado polo novo goberno municipal a respecto de crear unha fundación para xestionar a prestación dos servizos sociais e a organización das actividades deportivas, supón un paso cara a privatización dos mesmos e cuestiona cal será o futuro dos/as máis de 140 empregados/as que nestes momentos atenden estes servizos.

A CIG entra de novo no comité de empresa da Consellaría de Traballo e Benestar na Coruña e o fai como primeira forza sindical, despois de estar 4 anos fóra do comité. Con este resultado, a central sindical pasa de ser a terceira forza nesta Consellaría a ser a forza máis votada e con máis número de delegados.

A Área Pública da CIG vén de anunciar que continuará adiante co defensa dos dereitos das empregadas e empregados públicos e na loita contra os recortes que nos últimos tempos vén padecendo este colectivo. A afirmación chega logo de coñecerse o auto do Tribunal Constitucional polo que non admite a trámite a cuestión de inconstitucionalidade promovida pola Sala do Social da Audiencia Nacional en relación coa aplicación da rebaixa salarial aos/ás traballadores/as da Fábrica Nacional de Moeda e Timbre e Real Casa da Moeda (FMNT-RCM).

A CIG denuncia que na Fundación para o Fomento da Calidade Industrial da Consellería de Economía e Industria o colectivo feminino foi obxecto de despedimentos nulos e improcedentes. A campaña de descrédito dos empregados públicos iniciada polo goberno da Xunta de Galicia materialízase con once novos despedimentos durante a semana seguinte á celebración das eleccións municipais do 22 de maio.