O Plan de amortizacións de postos de traballo que a Consellaría de Traballo e Benestar ten intención de levar adiante suporá, para a comarca de Ferrolterra, unha considerábel perda na calidade dos servizos sociais, xa que levará ao despedimento de 7 empregados/as no servizo de Dependencia e 1 persoa no centro sociocomunitario.

Dentro da política de amortizacións que vén levando a cabo a Xunta de Galiza, a consellaría de Educación pretende amortizar 48 prazas de subalternos/as e auxiliares de centros de ensino que están cubertas por persoal interino. Así o denunciaron representantes do sector da Autonómica da CIG Administración en rolda de prensa, na que compareceron acompañados de traballadoras/es afectados por esta decisión.

A Xunta de Galiza vén de comunicar ás organizacións sindicas a proposta de modificación da RPT da Consellaría de Traballo e Benestar, pola cal se amortizarían 251 postos de traballo. Ademais, no marco desta modificación, a Xunta ten intención de aplicar un ERE para persoal laboral, acolléndose á insuficiencia orzamentaria sobrevida como causa obxectiva para estes despedimentos, e continuando deste xeito á vangarda da aplicación das lesivas medidas de “austeridade”.

O persoal das autoridades portuarias e dos portos públicos dependentes do estado secundou este mércores unha xornada de paros de dúas horas (das 7 ás 9 horas e das 13 ás 15 horas) en defensa do convenio colectivo e das condicións laborais, así como para rexeitar a decisión do Ministerio de Facenda de invalidar os acordos acadados entre as organizacións sindicais e o organismo estatal.

Contra as 11:00 horas deste martes de Entroido saía a comparsa da sección sindical da CIG a facer un percorrido lúdico-reivindicativo polo edificio administrativo de San Caetano. Ao seu paso polos distintos departamentos ofreceron chourizos ás traballadoras e traballadores para denunciar os recortes que sofren as traballadoras e traballadores da administración pública fronte aos sobresoldos que, presuntamente, cobran os altos cargos do PP.

O Comité de Traballo e Benestar de A Coruña convocou para este luns tres actos Entroido-Reivindicativos nas Residencias de Maiores Torrente Ballester de A Coruña, Porta de Camiño de Compostela e Caranza de Ferrol para denunciar a non compensación de traballo en domingos e festivos, o descoñecemento das quendas de traballo a efectuar durante o ano 2013, a imposición de xornadas abusivas e os recortes de medios e persoal.

As seccións sindicais da CIG nos Servizos Centrais da Xunta de Galiza, teñen previsto percorrer os edificios administrativos de San Caetano, este martes de Entroido, cunha comparsa reivindicativa que sairá ás 11:00 h. dende o Rexistro Único da Xunta, ao lado da porta de entrada que dá cara a estación de autobuses.