Traballadores e traballadoras da empresa Multiservicios Aeroportuarios concentráronse no aeroporto de Lavacolla en Compostela para denuncia a precariedade laboral que padecen dende hai meses. A empresa, négase a transformar os contratos temporais do persoal en indefinidos, a pesar de que así lle obrigou a Inspección de Traballo, ao tempo que continúa obrigando aos traballadores/as a realizar horas extras sin pagar por elas.

As traballadoras de Confecciones Lema iniciaron unha compaña para denunciar publicamente a súa situación laboral, logo de que a empresa pechase as portas sen facerse cargo dos salarios nin das indemnizacións correspondentes. As traballadoras estiveron repartindo panfletos nos que expoñen a súa situación o domingo 18 de xaneiro na feira de Lestedo (Boqueixón).

Os traballadores e traballadoras do 112 exixiron, en rolda de prensa, que se recoñeza o dereito do cadro de persoal á subrogación, como xa ocorre con outras contratas da administración, para garantir a estabilidade laboral e mellorar a calidade do servizo. Isabel Moares, presidenta do Comité de Empresa, desmentiu ademais o contido do comunicado emitido pola Consellaría de Presidencia. Unha nota de prensa na que acusaba ao persoal de atender a intereses políticos e no que eludía toda responsabilidade na posíbel solución do conflito.

A primeiras horas da mañá do xoves 5 de xuño, traballadores da mina de Serrabal e das plantas de Ferroatlántica de Cee e Sabón concentrábanse no banco cero da mina para intentar evitar o topografiado do terreo a partir do cal darían comezo as obras do TAV. Na mañá deste luns día 9 de xuño repetían a concentración e impedían novamente que os técnicos do ADIF tomasen posesión dos terreos, aínda que saben que nos días seguintes regresarán. Por iso xa anunciaron que continuarán coas concentracións e coa demanda de cambio de trazado malia a cada vez maior presenza policial.

Os reiterados incumprimentos dos acordos acadados coas traballadoras/es do servizo de atención a emerxencias 112, tanto por parte da empresa, no seu día, como actualmente da Dirección Xeral de Protección Civil obrigaron ás traballadoras e traballadores a reiniciar as mobilizacións. Polo momento, e para sensibilizar á opinión pública, teñen instalado pancartas de denuncia por toda a xeografía galega e ademais, iniciaron unha campaña de recollida de sinaturas que, polo momento, está a ter moi boa acollida.

Achegar o sindicato aos veciños e veciñas, dar a coñecer as posicións e os conflitos que se deron nestes últimos meses na comarca e facer un chamamento á necesaria participación na manifestación convocada para este Primeiro de Maio, máis dada a situación de crise económica que se nos ven enriba, son algúns dos obxectivos que levaron á CIG de Compostela a instalar unha carpa informativa na Praza Roxa.