Arredor dun cento de persoas participaron na concentración convocada pola CIG para apoiar as reivindicacións das limpadoras dos colexios públicos de Vigo, en folga indefinida dende o pasado día 15 de novembro para reclamar a ampliación da xornada. Este venres 25 celebraron unha asemblea ás portas dos xulgados da cidade coincidindo coa celebración dun xuízo rápido por agresión contra dúas traballadoras de Linorsa por parte de cristaleiros que están a limpar os centros por orde da empresa.

O Comité de Empresa das traballadoras de limpeza dos colexios públicos de Vigo, servizo no que están ocupadas 155 persoas, presentou esta mañá a convocatoria de folga indefinida na Consellería de Traballo, a empresa e o Concello de Vigo, diante da falta de solucións aos problemas que o colectivo vén denunciando dende hai tempo. Os paros faranse efectivos a partir do vindeiro 15 de novembro e afectarán a 57 centros escolares.

A CIG-Ensino denuncia que a Consellería de Educación vén de publicar unha orde na que dá un novo golpe á calidade do ensino público ao suprimir 80 unidades, 21 de Infantil e 56 de Primaria, o que suporá 108 profesores menos. A central nacionalista critica que o departamento autonómico aproveitou as vacacións estivais para publicar o novo cadro de persoal dos centros e a modificación dos concertos educativos. Os cambios supoñen tamén, tal e como censurara a CIG anteriormente, o peche de 19 centros educativos públicos.