Delegadas/os sindicais na administración xudicial concentráronse esta mañá diante do Tribunal Superior de Xustiza de Galiza na Coruña para demandar unha “negociación serie e real da nova Oficina Xudicial”. A protesta, convocada polas centrais presentes na Mesa sectorial, desenvolveuse coincidindo coa presenza de responsábeis políticos na sala de goberno do TSXG.

A CIG-Xustiza vén de rexeitar o Plan presentado pola Xunta para converter en sede xudicial á antiga Fábrica de Tabacos de A Coruña, pois entende que o seu custo, estimado en 20 millóns de euros, non xustifica unha obra que non solucionará os problemas actuais e que responde máis aos desexos particulares “de ter despachos grandes con vistas” que ás necesidades reais das dependencias xudiciais.

O Sector de Xustiza da CIG vén de denunciar o deficiente funcionamento do programa informático Minerva no Xulgado de Violencia sobre a Muller de Pontevedra, que está a provocar atrasos nos trámites dos procedementos e que pode levar a un atasco “moi difícil de pórlle remedio”. Dende a central reclámase a Xunta que revise a instalación do software e busque unha solución urxente a este problema.

A CIG-Autonómica reclamou o cumprimento da legalidade por parte da Xunta a respecto do uso do galego, tanto nas comunicacións internas como no contacto coa cidadanía. Nestes senso, criticouse que o goberno do PP teña recuado “de golpe 27 anos”, instalándose nun “bilingüismo preautonómico” moi lonxe da norma de Fraga ou Albor. Dende a CIG-Autonómica instouse á Xunta que cese nos ataques indiscriminados á nosa lingua e defenda o dereito de toda a cidadanía deste País a vivir en galego.

Os traballadores e as traballadoras do CAE 112 continúan a súa campaña de mobilizacións a prol de acadar un acordo definitivo que permita a estabilidade das súas condicións de traballo. O persoal está “acompañando” a Emilio Pérez Touriño nos actos da campaña electoral con pancartas reivindicativas, nos últimos días estiveron xa en Vilagarcía, Cangar e O Grove.

Tras a situación caótica vivida unha vez máis no CAE 112 de Galicia durante o temporal dos días pasados, os membros do Comité de Empresa denunciaron a falla de previsión por parte da Axencia Galega de Emerxencias e anunciaron o inicio dunha compaña para dar a coñecer os verdadeiros responsábeis do caos vivido a pasada fin de semana.

Os traballadores e traballadoras do 112 exixiron, en rolda de prensa, que se recoñeza o dereito do cadro de persoal á subrogación, como xa ocorre con outras contratas da administración, para garantir a estabilidade laboral e mellorar a calidade do servizo. Isabel Moares, presidenta do Comité de Empresa, desmentiu ademais o contido do comunicado emitido pola Consellaría de Presidencia. Unha nota de prensa na que acusaba ao persoal de atender a intereses políticos e no que eludía toda responsabilidade na posíbel solución do conflito.