Delegados e delegadas da CIG-Banca realizaron na mañá deste luns unha manifestación polas rúas da Coruña en rexeitamento ao proceso de reconversión do sector financeiro, impulsado polo Goberno estatal co apoio do PP, e a prol dun convenio xusto para os traballadores e traballadoras de bancos e caixas. Este proceso de reestruturación, advertía o Secretario Nacional da Federación de Banca durante a mobilización, está a supor a desaparición das entidades financeiras galegas e, polo tanto, implica a perda de capacidade de decisión, mais tamén pon en perigo a continuidade de miles de empregos en Galiza.

A Federación Galega de Alimentación, Mar, Transporte, Téxtil e Telecomunicacións da CIG (FGAMT-CIG) ten convocada unha manifestación para este martes 11 de outubro en Vigo, co obxecto de denunciar o grave deterioro e a parálise da negociación colectiva a nivel do estado. Esta situación está a afectar a sectores cunha gran importancia na Galiza polo número de traballadores/as que ocupan.

Os tres sindicatos con representación no comité de empresa de Denso Sistemas Térmicos (CIG, CCOO e UGT) anunciaron hoxe a convocatoria de folga indefinida ante a intransixencia da firma da automoción na negociación do convenio colectivo. A decisión do paro, que entrará en vigor a partir das 00.00 horas do vindeiro luns, adoptouse tras a negativa da dirección a chegar a un acordo en aspectos como o incremento salarial, a redución de xornada e o complemento de baixas por accidente laboral ou enfermidade profesional.

A asemblea de traballadores/as de Albada, concesionaria da planta de tratamento de residuos de Nostián, irá á folga para demandar o cumprimento do pactado no preacordo do pasado 24 de abril, e que evitou o paro indefinido na empresa. Ademais, o Comité quere denunciar a persecución á que están sendo sometidos os delegados/as de persoal e a falta de avances na revisión do convenio.

Os traballadores/as de Telefónica en Galiza estaban chamados hoxe a participar no paro de media xornada convocado a nivel estatal para rexeitar os despedimentos previstos pola compañía e reclamar un convenio digno. Empregados/as da empresa da provincia de Pontevedra realizaron unha concentración na sede central do Calvario, en Vigo.

A Federación de Construción e Madeira de Ferrol vén de informar aos traballadores e traballadoras aos que se lles aplica o Colectivo Colectivo provincial da Construción, Pintura, Instalacións e Elaboración de Pedra e Mármore e Serradoiros e Rematantes de madeira, e que non conten con calendario laboral de empresa propio, que o vindeiro luns, 16 de maio, é festivo de Convenio, polo que non é un día laborábel.

Empregados/as de Telefónica concentráronse diante da sede central de Movistar na rúa Colón de Vigo para reclamar a readmisión de dous compañeiros/as despedidos en Barcelona e Madrid e para denunciar o proceso de negoción do convenio colectivo. Dende a sección sindical da CIG da provincia de Pontevedra acusan á empresa de pretender rematar coas relacións laborais coa complicidade de CCOO e UGT.