A pai dun dos mozos detidos na última operación da Audiencia Nacional española contra o independentismo galego relata nunha crónica que fixo chegar á CIG a crueldade coa que actúa o sistema penitenciario. Entre outras cousas, denuncia que non puideron visitalo na prisión na que se atopa recluído até 15 días despois do seu arresto.

O número de ourensáns/ás inscritos nas oficinas do INEM a 31 de decembro de 2011 foi de 28.217, o que supón un incremento de 1.737 persoas con respecto ao ano anterior. Dende a CIG denuncian o impacto que o desemprego está a ter especialmente entre a xente nova e critican a ausencia de medidas do anunciado plan Impulsa da Xunta para a provincia.

A Xunta de Galiza aprobou hoxe na Comisión de Persoal, co voto en contra da CIG e favorable de CCOO e CSIF, un decreto que trata de regular a contratación nos entes instrumentais e os procesos de integración. Para o sindicato nacionalista, este decreto supón outro engano do Goberno Feijóo, xa que lonxe de acabar ou regular os chamados 'chiringuitos', vai significar a súa consolidación ao permitir que as sociedades mercantís públicas e as fundacións poidan contratar persoal propio sen pasar por un proceso selectivo público.

O Ministerio de Traballo apunta una cifra aproximada de 180.000 persoas que estarían afectadas pola aplicación do Salario Mínimo Interprofesional. Este dato foi interesadamente manipulado e significativamente diminuído para relativizar a incidencia do SMI e a consecuencia de non incrementar este indicador. Os efectos son amplamente maiores, tal e como se explica a continuación.

Dende a CIG-Administración critican a desidia da xefatura territorial da Consellería de Traballo e Benestar de Ourense no que respecta á atención dos centros de maiores. A central nacionalista denunciara o pasado día 7 de novembro que na Residencia do Maior Nosa Señora dos Milagres había varios casos de sarna entre os residentes e os/as empregados/as. “A día de hoxe, e por culpa da deixadez tanto da dirección do centro coma do xefe territorial do departamento autonómico, José Selas, os casos elévanse a máis de 40, dos que máis de 20 son traballadores/as do centro”, censuran. Diante disto, reclaman o cese inmediato do director do centro e do responsábel autonómico.

A CIG de Verín denuncia que o alcalde da localidade interpuxo un incidente de aclaración perante o Tribunal Superior de Xustiza de Galiza (TSXG) solicitando que lle matizase os termos nos que debería cumprimentar a anulación do orzamento municipal para o 2009, á que fora condenado por falta de negociación colectiva coa central nacionalista. Dende o sindicato entenden que se trata dun novo intento do rexedor para seguir dilatando o proceso “e, ao cabo, incumprir as súas obrigas de negociar coas centrais sindicais”.

A secretaria comarcal da CIG-Servizos de Pontevedra compareceu hoxe en rolda de prensa para reclamar o cumprimento da sentenza que obriga á empresa que xestiona a cafetería da base militar da Brilat a readmitir a dúas traballadoras afiliadas á central nacionalista. Diana Rodríguez denuncia que o xulgado declarou nulo un dos despedimentos e o outro improcedente, “pero Unión Vending Cádiz segue sen abonar a correspondente indemnización no caso do despido improcedente xa que optou por non readmitila”.