O secretario nacional da CIG-Químicas, Alberto Gonçalves, compareceu hoxe xunto ao deputado do BNG Henrique Viéitez para esixirlle ao Goberno español que publique de inmediato a orde ministerial sobre produción de biodiesel que recolle “a subida e reserva” do 7% de biocarburantes para o consumo interno. O representante sindical anunciou que a central adoptará “medidas de presión” no caso de que non se dean pasos para desbloquear a actual “parálise do sector”.

A sección sindical de CIG-Saúde na área do Barco de Valdeorras denuncia a política que está a levar o Sergas nesta área sanitaria, xa que ao seu xuízo está a producir "un empeoramento substancial na calidade asistencial prestada". En concreto, critican o peche de seis habitacións co obxectivo de reducir a contratación de persoal.

Responsábeis da federación de Saúde da CIG, coa súa secretaria nacional, María Xosé Abuín, á cabeza, comparaceron hoxe en rolda de prensa para denunciar que a Consellería de Sanidade pretende acometer novos recortes no proxecto do cuarto hospital de Vigo. "Segundo a información que recibimos dende o propio centro, unha persoa do departamento autonómico está a manter entrevistas con diferentes xefes de servizo para comunicarlles a redución da superficie construída que o seu servizo terá no novo hospital", sosteñen. En concreto falan dunha redución importante do número de camas, da redución do 40% da superficie de urxencias, da desaparición do hotel de pacientes ou da desaparición da unidade de docencia e investigación, entre outras cuestións.

Tras ocupar cargos de representación pública, xa sexa no mundo sindical ou político, aos profesionais sanitarios recoñecíaselles un período equivalente a un mes de reciclaxe por ano de exercicio do cargo electo, afastado do exercicio profesional activo, cun máximo de cinco meses. No último mes, e trala solicitude de reingreso da ex-concelleira María Méndez Piñeiro, médica especialista en Medicina Interna afiliada á CIG, ao servizo de Medicina Interna do CHUVI, ao que pertence, esta situación mudou.

A secretaria xeral de Presidencia, Beatriz Cuíña Barja, ordenou á policía impedir a entrada ao salón grande de San Caetano, que fora previamente reservado pola CIG, e expulsar aos representantes sindicais do edificio administrativo. A central anunciou que presentará unha demanda para a tutela xudicial do dereito á liberdade sindical

A residencia de maiores Santo Anxo do Grove comezou hoxe a notificar por carta o despedimento de nove das dez traballadoras de atención directa, curiosamente as mesmas que solicitaran xudicialmente a rescisión de contrato xa que levan entre seis e dez meses sen cobrar. A dirección do centro decidiu tamén suspendelas de emprego e soldo alegando que están a impedir o seu normal funcionamento.

A CIG-Administración denuncia que a suposta política de austeridade do Goberno de Feijóo contrasta coas diversas irregularidades que detectadas durante a negociación colectiva da modificación na Relación de Postos de Traballo (RTP) da Consellaría de Sanidade e Sergas.