O Gabinete de Economía da CIG vén de realizar un estudo pormenorizado da evolución do paro rexistrado no ano 2009. Dos datos tírase que os efectos da crise económica no mercado de traballo galego acusáronse con especial virulencia durante o ano 2009. Neste período, segundo afirma Natividade López Gromaz, economista da CIG e responsábel deste informe, eses datos “acadaron valores negativos históricos; practicamente mantívose o desemprego por encima dos 200.000 parados en todos os meses do ano”.

O xoves 7 de xaneiro presentouse no local sindical da CIG de Ourense o informe socio laboral desta provincia realizado pola central sindical nacionalista, no que se analiza a situación e o contexto económico e social da comarca nos últimos catro anos. Asi, neste documento déronse a coñecer cifras alarmantes que falan dunha crise permanente nesta provincia, esquecida polas Administracións, e que sofreu con maior voracidade o desemprego, ERE's e unha forte caída na actividade industrial.

O aumento do paro en Galiza é, para a CIG, alarmante e constata que a central atinaba cando advertía que o país sufriría as consecuencias da crise cunha virulencia igual ou mesmo maior que o resto das economías mundiais, aínda que se atrasara a súa entrada ao seren unha economía menos desenvolvida que as do noso contorno. A central reclama a presentación, por parte da Xunta de Galiza, dun plano Estratéxico, para  seu debate coas centrais sindicais, que permita reverter a situación.

Desde pouco despois da unha este mércores 25 de novembro unha decena de mozos e mozas da CIG-Mocidade de Vigo desenvolvían a primeira acción dunha campaña que baixo o lema “Antes de pasar de todo, pasa á acción”, vai dirixida á mocidade desempregada, que nestes momentos de crise son o grupo social que máis está a sofrer a precariedade e o desemprego.

O Gabinete Técnico da CIG realizou un informe sobre a situación económica no noso país, no que se analiza como está a afectar a crise económica ao crecemento económico, a evolución do ocupación segundo as actividades que se desenvolvan, taxas de temporalidade e aumento do desemprego, entre outros datos e análises aportados neste informe, realizado pola economista do Gabinete técnico da CIG, Natividad López Gromaz.

Unhas cincuenta empresas da construción pecharon na provincia de Lugo no que vai de ano. Esas son as cifras que deu a coñecer o secretario comarcal da CIG-Construción de Lugo, Antonio Niño. Desde a central sindical nacionalista, criticouse que a xustiza "está a ser moi lenta para resolver a situación que se crea despois destes peches", e informou de que este sector está a ser o máis afectado polo desemprego na crise.