O próximo mércores día 1 de setembro, os traballadores e traballadoras da empresa Transportes M. Cabo, con sede na Estrada, concentraranse diante da nave que ten a empresa en Lestedo, para demandar os cartos que se lles adebedan e en protesta polo despedimento do delegado de persoal.

Coincidindo coa vista do xuízo polo despedimento dunha delegada da CIG na residencia da terceira idade de Geriatros en Laraxe (Cabanas), delegados e delegadas da central desenvolveron unha concentración silenciosa diante dos xulgados para reclamar xustiza para esta traballadora, despedida por defender os dereitos dos seus compañeiros e compañeiras. Durante a vista, as testemuñas achegadas pola empresa incorreron en numerosas contradicións pondo en evidencia as acusacións formuladas dende Geriatros.

A CIG convocaba, o pasado xoves 29 de abril, unha concentración diante das portas da empresa XADE, que xestiona o Multiusos de Sar e o complexo deportivo de Santa Isabel, en demanda da readmisión do socorrista despedido un mes despois de rematar o conflito laboral que provocou a convocatoria dunha folga de 47 días de duración, nas instalacións deportivas de Galiza.

O xoves 22 de abril desenvolvíase a terceira e última xornada de folga na residencia da terceira idade Geriatros de Laraxe para esixir a readmisión dunha delegada da CIG, despedida por defender os dereitos dos seus compañeiros e compañeiras. A pesar dos abusivos servizos mínimos, delegados/as da central e persoal desenvolveron unha concentración diante do xeriátrico entre as 14:15 e ás 15:30 horas para visibilizar a vixencia do conflito e amosar o seu rexeitamento ás prácticas laborais da empresa.

Traballadoras e traballadores da residencia de Geriatros en Laraxe están secundando este mércores a segunda xornada de folga convocada neste centro para esixir a readmisión dunha delegada da CIG no Comité de empresa despedida como medida exemplarizante para o resto do persoal. Delegados da central e traballadores desenvolveron unha concentración diante do xeriátrico entre as 14:30 e as 15:30 horas.

As traballadores e traballadores da residencia Geriatros de Laraxe están secundando este xoves a primeira das tres xornadas de folga convocada na empresa para reclamar a readmisión dunha compañeira despedida, delegada da CIG no Comité. Persoal e delegados/as da central desenvolveron tamén unha concentración diante do SMAC de Ferrol coincidindo coa acto de conciliación polo despedimento.

Traballadores/as e delegados/as da CIG participaron esta tarde nunha nova concentración diante da Residencia Geriatros de Laraxe para esixir á empresa que readmita a unha delegada do Comité de Empresa, despedida como “castigo exemplar” para á representación do persoal. A CIG-Servizos de Ferrol tamén convocou folga neste centro para os días 8, 15 e 22 de abril como medida de repulsa ante esta acción da empresa e como apoio á compañeira afectada.