A CIG considera un exercicio de cinismo e un gran engano á cidadanía a posta en escena este mediodía da sinatura do “Acordo económico e social para o crecemento, o emprego e a garantía das pensións”. Para a central sindical este acordo, que contempla as propostas saídas do goberno e a patronal, supón unha clara entrega do sindicalismo estatal ao poder, mais non terá repercusións relevantes nin na saída á crise nin na xeración de emprego.

Aqueles que seguimos a acreditar na loita de clases e que pensamos que esta crise económica, e as súas posíbeis saídas, debe ir acompañada dun fondo debate ideolóxico sobre a necesidade de construción dun novo modelo económico e social, favorábel aos intereses da clase traballadora, sentimos unha fonda indignación cando vimos nos xornais, o pasado sábado, día 31, a foto dos secretarios xerais de CCOO e UGT xuntando as mans, todos sorrintes, co presidente da patronal galega e co máximo representante da dereita en Galiza, o presidente da Xunta, Sr. Feijoo.

CIG-Administración vén de demandar, na xuntanza da Mesa Xeral de Negociación das Administracións Públicas, celebrada o pasado martes día 23 de marzo, que se sitúe a negociación nos ámbitos legalmente establecidos e que se evite negociar nun só ámbito (no da comisión de seguimento do acordo goberno-sindicatos para a Función Pública no marco do Diálogo Social  2010-2012).

O secretario xeral da CIG, Suso Seixo, que participou no acto de clausura do V Congreso de CIG-Ensino, centrou a súa intervención en dous dos aspectos nos que a central sindical está a centrar o seu traballo neste período: a crise económica e as medidas que se están a adoptar para enfrontala e a posta en marcha, novamente, das Mesas de Diálogo Social.

Este luns día 13 de outubro, celebrábase unha xuntanza, convocada pola consellaría de Economía, coas organizacións sindicais máis representativas de Galiza –CIG, CCOO e UGT- para informar dos contidos dos orzamentos da Xunta para o ano 2009. Suso Seixo, secretario xeral da CIG, considera que se tratou simplemente de cubrir a formalidade e manter a imaxe de diálogo social.

O 13 de novembro de 2006 o Consello Confederal da CIG acordaba abandonar as mesas de diálogo social para un Acordo Galego polo Emprego. As razóns que daquela levaban á central a deixar estas mesas son as mesmas polas que non participou na sinatura do chamado Acordo pola Competitividade 2008-2011.