A CIG vén de acadar uns “históricos” resultados nas eleccións sindicais celebras o xoves 14 de xuño no xornal La Voz de Galicia. A CIG foi a central sindical máis votada tanto no Comité de Empresa da sede central como no proceso correspondente ao Comité provincial da Coruña, obtendo seis e dous representantes respectivamente, mentres que no antigo colexio de especialistas acadou un delegado.

A CIG conseguiu a maioría dos votos en Cyrgasa, empresa auxiliar da fábrica de Alcoa de San Cibrao, nas eleccións sindicais celebradas o pasado 20 de abril. Estaban convocados para este proceso, no que se escollían cinco delegados para o Comité, os 98 traballadores/as que conforman o cadro de persoal. Destes/as exerceron o seu dereito de voto 83 persoas, o que representa unha participación de case un 85%.

A CIG acadou maioría absoluta en Os Irmandiños, cooperativa de servizos e produtos agropecuarios de Ribadeo, ao obter tres delegados mentres que UGT acadou un e unha candidatura independente outro. A participación nas votacións foi do 72%.

A CIG-ENSINO vén de obter os/as tres delegados/as que se elixiron nas eleccións sindicais celebradas en Preescolar na Casa, obtendo os seus candidatos/as 68 votos. A candidatura de CCOO obtivo 11 votos e a de STEG 6. A CIG-Ensino agradece a todas as traballadoras e traballadores o seu apoio, que vén avalar o modelo sindical da central sindical e referendar o traballo e o compromiso  do sindicato coa defensa dos postos de traballo e do propio programa.

A Confederación Intersindical Galega volve ser por quinta vez consecutiva a primeira forza en número de representantes na comarca viguesa e no conxunto da provincia de Pontevedra. A central nacionalista obtivo nas eleccións sindicais celebradas recentemente na comarca un total de 1.481 delegados/as (o 32,58%), mentres que no conxunto da provincia sumou 2.096 representantes (31,47%).

A CIG-Administración acadou a maioría absoluta na representación do persoal do Concello de Silleda ao obter tres dos cinco delegados/as que se elexían no persoal laboral e revalidar a representación do persoal funcionario, entre o que se escollía un delegado/a.

A Confederación Intersindical Galega volveu acadar moi bos resultados nas eleccións sindicais celebradas na compañía pontevedresa Vertifil Industrial, dedicada ao sector téxtil e con sede en Moraña. A CIG obtivo catro representantes no comité de empresa, mentres que a UGT só sumou un delegado/a.