A CIG foi á forza máis votada nas eleccións, celebradas o martes 10 de xaneiro, ao Comité de empresa do servizo de limpeza do Complexo Hospitalario Arquitecto Marcide-Profesor Novoa Santos (CHAMPNS) de Ferrol, do que se encarga a empresa Limpisa. A central nacionalista conseguir 41 votos (3 delegadas) fronte aos 37 acadados pola segunda forza, a COG.

A Confederación Intersindical Galega alzouse coa maioría nas eleccións sindicais celebradas recentemente na empresa Biofabri do Porriño. A central nacionalista obtivo un delegado/a máis que a UGT, rompendo deste xeito a tendencia dos últimos anos.

A CIG conseguiu a maioría absoluta nas eleccións celebradas o xoves 15 de decembro na empresa Bioetanol Galicia, S.A., situada en Teixeiro (Curtis), ao acadar catro dos/as cinco representantes que conformarán o Comité de empresa. A central nacionalista consolida deste xeito a súa presenza neste centro de traballo, xa que a lista independente só acadou unha delegada no colexio de técnicos e administrativos, mentres que nin CCOO nin UGT lograron montar candidatura.

A principios do mes de novembro, o PP de Ames, que goberna con maioría absoluta, propuxo unha supresión dos servizos de Animación á Lectura, Comunicación, Normalización Lingüística e Medioambiente. Esa proposta, que casualmente se presentaba coincidindo coa inminente convocatoria das eleccións sindicais no concello, supón eliminar 12 postos de traballo e o despedimento de 9 persoas. Despedimentos que afectaban fundamentalmente a delegados sindicais, membros do Comité ou traballadores/as que integraban as candidaturas da CIG e UGT e que agora saíron electos.  

A CIG logrou a maioría absoluta nas eleccións sindicais celebradas recentemente en Aquagest, empresa concesionaria do subministro e saneamento de augas nos concellos de Pontevedra, Poio, Cambados Ponteareas, Soutomaior e a Mancomunidade do Salnés. A central nacionalista obtivo catro dos cinco delegados/as que se escollían no comité de empresa e quedou a un só voto de ser a única forza sindical con representación.

A CIG-Administración vén de conseguir a maioría nas eleccións sindicais celebradas entre o Persoal Laboral de Administración e Servizos da Universidade de Vigo (campus de Vigo e Pontevedra). A central nacionalista obtivo 7 representantes, fronte aos 4 acadados por CCOO e os 2 que logrou a UGT.

A CIG-Administración conseguiu a totalidade da representación no Concello de San Sadurniño nas eleccións sindicais celebradas o xoves 1 de decembro. Deste xeito, a central nacionalista acada o delegado/a de persoal funcionario e os 3 delegados/as de persoal laboral que se elixían.