A federación de Químicas e Enerxía da CIG logrou a vitoria nas eleccións sindicais celebradas recentemente na empresa Dalphi Metal Seguridad ao lograr tres dos cinco delegados/as do comité. Con este resultado a central nacionalista acada a maioría no grupo de automoción con sede en Vigo.

A CIG vén de presentar a candidatura para as eleccións que os vindeiros días 28 de novembro e 2 de decembro se van celebrar en Alcoa-San Cibrao. Os candidatos e candidatas da central nacionalista, que presenta lista nos dous colexios e foi a forza máis votada nos tres últimos procesos electorais, comprometéronse a manter a loita na defensa dos postos de traballo, na esixencia de melloras en materia de seguridade e saúde e na demanda de inversións que garantan o futuro das instalacións.

A CIG conseguiu a maioría dos votos en CYRGASA, empresa auxiliar da fábrica de Alcoa de San Cibrao, nas eleccións sindicais parciais celebradas o pasado 15 de novembro. Estaban convocados para este proceso, no que se escollían catro novos delegados/as para o Comité, os 117 traballadores/as que conforman o cadro de persoal, dos/as que exerceron o seu dereito de voto 82, sumando unha participación de case o 70%.

A CIG-Administración vén de valorar de xeito moi positivo os resultados acadados nas eleccións celebradas no Concello de Vilanova de Arousa, xa que por primeira vez a central nacionalista conseguiu representación no persoal laboral en especialistas e non cualificados.

A CIG gañou as eleccións en Montajes Nervión, unha das compañías auxiliares de Navantia con maior traxectoria, xa que vén desenvolvendo os seus traballos no estaleiro de Fene dende hai seis anos.

O pasado luns 24 de outubro celebrábanse as eleccións sindicais nos centros de traballo de A Coruña-A Grela, A Coruña- Av. Arteixo e provincial Coruña, rematando así o proceso electoral nos centros de traballo do antigo grupo Unión Fenosa, iniciado o pasado 2010. Cos resultados das catro provincias, a CIG consolida a súa maioría nos centros de traballo que Gas Natural Fenosa mantén en Galiza, con 16 representantes na Coruña, 3 en Lugo, 7 en Ourense e 11 en Pontevedra.

A CIG acadou a maioría do Comité de Empresa do Concello de Cariño nas eleccións sindicais celebradas na mañá do mércores 19 de outubro, ao obter catro dos cinco delegados/as. Dende a CIG-Administración Pública de Ferrol amosáronse moi satisfeitos por estes resultados, xa que até este momento a central sindical non tiña representación no Concello de Cariño, ao estar en mans da UGT.