A CIG vén de denunciar que a empresa Aquagest, encargada do subministro e a depuración de auga en varias cidades e vilas galegas, modificou o censo das eleccións sindicais no último momento co obxectivo de que a UGT teña a maioría no comité intercentros. Dende a central nacionalista afirman que un membro da mesa electoral chegou a dimitir para completar a lista do sindicato español e facer posíbel deste xeito que puidese presentar candidatura no colexio de técnicos do centro de traballo de Pontevedra .

A federación de Químicas e Enerxía da CIG conseguiu os tres delegados/as de persoal que se escollían nas eleccións sindicais celebradas recentemente na compañía porriñesa Aztega La Artística. Con este resultado, a central nacionalista desbanca a CCOO como forza maioritaria.

A federación da Construción e Madeira da CIG obtivo a maioría absoluta nas eleccións sindicais celebradas recentemente compañía pontevedresa Maderas Iglesias ao sumar 133 votos, 14 máis que os logrados por CCOO e UGT. Deste xeito, a central nacionalista contará con sete representantes no comité de empresa, os mesmos que os sindicatos españois.

Cento oito traballadores, dun total de cento dezanove, o 90,08% do total do cadro de persoal, participaron no proceso de eleccións sindicais de Altia-Compostela, empresa de consultoría e prestación de servizos TIC. Malia o complicado do proceso, que durou catro meses desde a constitución da mesa até a data de votación, o despedimento de dous candidatos da CIG, xunto con outros traballadores vinculados á candidatura, e un traballador que foi desprazado, a CIG obtivo 4 delegados/as; CCOO 3 e a UGT 2.

A Confederación Intersindical Galega fíxose coa maioría absoluta nas eleccións sindicais celebradas este luns nos hoteis Hesperia Illa da Toxa e Gran Hotel da Toxa ao obter tres e cinco representantes no comité de empresa.

A CIG-Saúde vén de consolidar a maioría absoluta nas eleccións sindicais celebradas o mércores 28 de setembro no Hospital San Rafael. A central nacionalista obtivo seis delegados/as fronte aos/ás tres representantes acadados por CCOO. Con este resultado a CIG-Saúde mantense como primeira forza sindical neste centro.

A federación da Construción da CIG conseguiu tres dos cinco delegados/as do comité de empresa de Pilotes Posada, compañía dedicada ás cimentacións especiais con sede en Vigo. A central nacionalista foi o único sindicato que obtivo representación no colexio de especialistas e non cualificados.